Accessibility links

له‌ یه‌مه‌ن کاربه‌ده‌ستێکی ئاسایشی باڵیۆزخانه‌ی ئه‌مریکا ده‌کوژرێت

  • VOA News

کاربه‌ده‌ستانی یه‌مه‌نی ده‌ڵێن چه‌کدارێک به‌ سواری ماتۆرسکیلێکه‌وه‌ کاربه‌ده‌ستێکی ئاسایشی یه‌مه‌نی کوشتووه‌ که‌ له‌ باڵیۆزخانه‌ی ئه‌مریکا له‌ سه‌نعا کاری ده‌کرد.

کاربه‌ده‌ستان ده‌ڵێن هێرشبه‌ره‌که‌ ته‌قه‌ی له‌و ئۆتۆمبێله‌ کردووه‌ که‌ قاسم عه‌قلان ی پێبووه‌ و له‌ ڕێدا بووه‌ بۆ شوێنی کاره‌که‌ی و دواتریش چه‌کداره‌ نه‌ناسراوه‌که‌ توانیویه‌تی له‌ شوینی ڕووداوه‌که‌ دووربکه‌وێته‌وه‌.

کاربه‌ده‌ستانی ئاسایشی ده‌ڵێن ئه‌و هێرشه‌ هاوشێوه‌ی هێرشه‌کانی ئه‌لقاعیده‌یه‌ ، به‌ڵام هێشتا زووه‌ بگوترێت ئه‌و ڕێکخراوه‌ توندڕه‌وه‌ له‌پشت کوژرانی ئه‌و کارمه‌نده‌ ئاسایشیه‌وه‌ بێت.

حکومه‌تی یه‌مه‌نی له‌ هه‌وڵدایه‌ بۆ کۆنترۆڵکردنه‌وه‌ی ئه‌و ناوچه‌یه‌ی له‌ ساڵی پاره‌وه‌ له‌ باشوری وڵاته‌که‌ له‌ژێر ده‌ستی لقی یه‌مه‌نی ئه‌لقاعیده‌دایه.

گومانبارانی توندڕه‌و له‌ یه‌مه‌ن به‌رده‌وام هێرشی خۆکوژی و هێرشی تریش ده‌که‌نه‌ سه‌ر کاربه‌ده‌ستانی وڵاته‌که‌.
XS
SM
MD
LG