Accessibility links

فڕۆکه‌یه‌کی له‌شکری سودان ده‌که‌وێته‌ خوارێ و 13 که‌س گیانیان له‌ده‌ستده‌ده‌ن

  • VOA News

فڕۆکه‌ی جۆری Antonov 12

فڕۆکه‌ی جۆری Antonov 12

له‌شـکری سودان ڕایگه‌یاند فڕۆکه‌یه‌کی که‌ ژماره‌یه‌ک سه‌رباز و ئامێر و که‌ل‌وپه‌لی له‌شـکری بۆ ناوچه‌ی دارفۆر هه‌ڵگرتبوو ئه‌مڕۆ یه‌کشه‌ممه‌ له‌ نزیک خه‌رتومی پایته‌خت که‌وتووه‌ته‌ خوارێ و 13 که‌س له‌ ناویدا گیانیان له‌ده‌سـتدا.
ئاژانسی ده‌نگ‌وباسی سودان ده‌ڵێت فڕۆکه‌که‌ مه‌کینه‌که‌ی وه‌سـتاوه‌ و فڕۆکه‌وانه‌که‌ هه‌وڵی داوه‌ له‌ باشوری ڕۆژئاوای شـاری ئوم دورمان بینیشێنێته‌وه‌، به‌ڵام فریانه‌که‌وتووه‌.
گوته‌بێژی له‌شـکری سودان ئه‌لسوارمی خالید به‌ ده‌زگاکانی ڕاگه‌یاندنی گوت فڕۆکه‌ له‌ جۆری Antonov 12 بووه‌ و 20 سه‌ربازی هه‌ڵگرتبوو. گوتیشی لێـکۆڵینه‌وه‌ له‌ باره‌ی ڕووداوه‌که‌ ده‌کرێت.
XS
SM
MD
LG