Accessibility links

گولـله‌ تۆپـێـکی دیکه‌ی سوریا به‌ر تورکیا ده‌که‌وێت


ئه‌مڕۆ یه‌کشه‌ممه‌ گولـله‌ تۆپـێـکی دیکه‌ی سوریا به‌ر ناوچه‌یه‌کی سـنووری تورکیا که‌وت‌، به‌ڵام هیچ زیانێـکی گیانی لێـنه‌که‌وتووه‌ته‌وه‌.
گولـله‌ تۆپه‌که‌ به‌ر به‌ڕێوه‌به‌رایه‌تی کۆکردنه‌وه‌ی ده‌غڵ و دانی حکومی له‌ شـارۆچکه‌ی ئاقچه‌ قه‌ڵای پارێزگای شـانلی ئۆرفه‌ له‌ باشوری ڕۆژهه‌ڵاتی تورکیا که‌وت، واته‌ له‌و شـارۆچکه‌یه‌ی ڕۆژی هه‌ینی گولـله‌ خومپاره‌یه‌کی سوریا به‌ر ناوچه‌یه‌کی دانیشـتوانی که‌وت و بووه‌ مایه‌ی کوژرانی 5 که‌س و برینداربوونی 9 که‌سی دیکه‌.
عه‌بدولحه‌کیم ئه‌یهان سه‌رۆکی شـاره‌وانی ئاقچه‌ قه‌ڵا به‌ ئاژانسی ده‌نگ‌وباسی ئه‌نه‌تۆلیای گوتووه‌ له‌شـکری تورکیا ده‌سـتبه‌جێ وه‌ڵامی داوه‌ته‌وه‌ و تۆپـبارانی ئه‌و شوێنه‌ی کردووه‌ که‌ گولـله‌ تۆپه‌که‌ی لێ‌هه‌ڵدرابوو.
ئه‌یهان گوتیشی ناوچه‌ی ته‌ل ئه‌لئه‌بیه‌زی سوریا له‌ به‌ره‌به‌یانه‌وه‌ به‌ بچڕ بچڕی له‌ لایه‌ن هێزه‌کانی حکومه‌تی سوریاوه‌ تۆپـباران ده‌کرێت.
XS
SM
MD
LG