Accessibility links

له‌ ئه‌نجامی هێرشێـکی خۆکوژی له‌ ئه‌فغانسـتان 14 که‌س ده‌کوژرێن

  • VOA News

خۆکوژێـک له‌ ڕۆژهه‌ڵاتی ئه‌فغانسـتان خۆی به‌ هێزێـکی گه‌ڕۆکی هاوبه‌شی ئه‌فغانی و ناتۆدا ته‌قاندووه‌ته‌وه‌‌ و له‌ ئاکامدا به‌ لایه‌نی که‌م 14 که‌س کوژراون.
ناتۆ ده‌ڵێت ڕووداوه‌که‌ ئه‌مڕۆ دووشه‌ممه‌ بووه‌ و له‌ نێو کوژراوه‌کاندا 3 سه‌ربازی ناتۆ هه‌ن له‌گه‌ڵ وه‌رگێڕه‌که‌یاندا. ناتۆ ڕه‌گه‌زنامه‌ی کوژراوه‌کانی ئاشـکرا نه‌کرد.
تاڵیبان به‌رپـرسیارێتی خۆی له‌ هێرشه‌که‌ ڕاگه‌یاند.
کاربه‌ده‌سـتانی ناوچه‌که‌ ده‌ڵێن خۆکوژه‌که‌ به‌ ماتۆرسکیلێـکه‌وه‌ خۆی کردووه‌ به‌ نێو هێزه‌که‌ له‌و ده‌مه‌ی له‌ نزیـک بازاڕێـکدا له‌ شـاری خۆست به‌ پـیاده‌ ده‌ڕۆیشـتن.
ده‌سه‌ڵاتدارانی ئه‌فغانی ده‌ڵێن هه‌روه‌ها له‌و هێرشه‌دا 6 که‌سی سیڤیل کوژراون و 4 که‌سیش له‌ هێزه‌کانی پـۆلیس و زیاتر له‌ 30 که‌س برینداربوون.
XS
SM
MD
LG