Accessibility links

وه‌زیری دارایی ئیسرائیل: ئێران له‌سه‌ر لێواری هه‌ره‌سهێنانی ئابوریـیه‌

  • VOA News

یووڤال شـتاینتز وه‌زیری دارایی ئیسرائیل

یووڤال شـتاینتز وه‌زیری دارایی ئیسرائیل

یووڤال شـتاینتز وه‌زیری دارایی ئیسرائیل ده‌ڵێت ئێران له‌سه‌ر لێواری هه‌ره‌سهێنانی ئابوریـیه‌، ئه‌مه‌ش به‌هۆی ئه‌و سـزایانه‌ی له‌ لایه‌ن کۆمه‌ڵی نێونه‌ته‌وه‌یـیه‌وه‌ خراونه‌ته‌ سه‌ر تاران له‌سه‌ر به‌رنامه‌ ناوکیـیه‌که‌ی.
یووڤال شـتاینتز ئه‌مڕۆ یه‌کشه‌ممه‌ له‌ لێـدوانێـکیدا بۆ‌ ڕادیۆی ئیسرائیل ئه‌مه‌ی ڕاگه‌یاند و گوتی سـزاکانی ‌سه‌ر ئێران له‌ ماوه‌ی سـاڵی ڕابردوودا پـتربوون. گوتیشی هه‌رچه‌نده‌ هێشـتا ئابوری ئێران هه‌ره‌سی نه‌هێناوه‌ به‌ڵام له‌ ئێسـتادا له‌سه‌ر لێواری هه‌ره‌سهێناندایه‌.
هه‌روه‌ها له‌ درێژه‌ی لێـدوانه‌که‌یدا به‌ڕێز شـتاینتز گوتی هه‌تا کۆتایی ئه‌مسـاڵ به‌ به‌های 45 هه‌تا 50 ملیار دۆلار ئێران له‌ داهاته‌ نه‌وتیـیه‌کانی که‌م ده‌بێته‌وه‌.
شایه‌نی باسه‌ سزاکانی سه‌ر ئێران و قسه‌وباسی لێدانی ده‌زگا ناوکیـیه‌کانی ئێران له‌ لایه‌ن ئیسرائیله‌وه‌ و هه‌روه‌ها ڕه‌وشی ڕۆژهه‌ڵاتی ناوه‌ڕاست به‌هۆی قه‌یرانی ناو سوریاوه‌، وایکردووه‌ به‌های دراوی ئێران زۆر دابه‌زێت.
به‌پـێی بازاڕه‌کانی دراوی ناو ئێران، ڕۆژی یه‌کشه‌ممه‌ دۆلارێـک له‌ به‌رامبه‌ر 2972 ڕیال بووه‌، به‌مه‌ش له‌وه‌تای مانگی شه‌شی سـاڵی ڕابردووه‌وه‌ ڕیال 57% به‌های خۆی له‌ده‌سـتداوه‌.
XS
SM
MD
LG