Accessibility links

عێراق پاره‌ی تایبه‌ت به‌ که‌رتی نه‌وتی کوردسـتان ڕه‌وانه‌ی حکومه‌تی هه‌رێم ده‌کات

  • VOA News

ئاشـتی هه‌ورامی وه‌زیری سامانه‌ سـروشتیـیه‌کانی هه‌رێمی کوردسـتانی عێراق ئه‌مڕۆ یه‌کشه‌ممه‌ له‌ به‌غدا به‌ ڕۆژنامه‌وانانی گوت حکومه‌تی ناوه‌ندی عێراق قایل بووه‌ ئه‌و پارانه‌ بدات که‌ له‌سه‌ریه‌تی بۆ ئه‌و کۆمپانیا بیانیـیانه‌ی له‌ هه‌رێمی کوردسـتاندا کار ده‌که‌ن بۆ وه‌ده‌رهێنانی نه‌وت.
جێی ئاماژه‌یه‌ ئاشتی هه‌ورامی له‌ به‌غدایه‌ به‌ مه‌به‌ستی کۆبوونه‌وه‌ له‌گه‌ڵ عه‌بدولکه‌ریم لعێبی وه‌زیری نه‌وتی عێراق و هه‌روه‌ها وتووێژکردن له‌سه‌ر پـرۆژه‌ یاسای نه‌وت و گازی عێراق له‌گه‌ڵ په‌رله‌مانتاراندا.
به‌پـێی لێـدوانێـکی پـێشووی هه‌ورامی بڕیاره‌ حکومه‌تی ناوه‌ندی له‌ به‌شی یه‌که‌م نزیکه‌ی 858 ملیۆن دۆلار بدات به‌ حکومه‌تی هه‌رێم.
ئه‌گه‌ر بێت و ئه‌م پارانه‌ به‌بێ کۆسپ ڕه‌وانه‌ی هه‌رێم بکرێن، ئه‌وا یه‌کێـک له‌ کێشه‌ سه‌ره‌کیـیه‌کانی نێوان به‌غدا و هه‌ولێر کۆتایی‌پـێدێت.
XS
SM
MD
LG