Accessibility links

شه‌ڕوپێکدادان له‌ حه‌له‌بی سوریا سێ ڕۆژه‌ به‌رده‌وامه‌


شه‌ڕو پێکدادان له‌ شاری حه‌له‌بی سوریا سه‌ری هه‌ڵداوه‌، له‌ کاتێکدا سه‌رهه‌ڵداوان به‌رده‌وامن له‌ هێرشه‌کانیان بۆ کۆنتڕۆڵ کردنی ئه‌و شاره‌.
ماتاز سوهه‌یلی له‌ ڕێکخراوی مافه‌کانی مرۆڤی سوریا بنکه‌ له‌ له‌نده‌ن له‌ ڕۆژی شه‌ممه‌ به‌ ده‌نگی ئه‌مه‌ریکای ڕاگه‌یاند پێکدادان له‌ ناوچه‌کانی ئه‌رکوب و ئه‌زیزیه‌ی حه‌له‌ب ڕوویداوه‌. به‌لایه‌نی که‌م سێ شه‌ڕکه‌ری سه‌رهه‌ڵداوان له‌و شه‌ڕه‌دا کوژراون.
سه‌رهه‌ڵداوه‌کان له‌ ڕۆژی پێنجشه‌ممه‌ هێرشه‌که‌یان بۆ حه‌له‌ب ڕاگه‌یاند به‌ڵام وا دیاره‌ هیچ لایه‌ک تا ئێستا نه‌ی توانییه‌وه‌ به‌ ته‌واوه‌تی کۆنتڕۆڵی شاره‌که‌ بگرێته‌ ده‌ست.
XS
SM
MD
LG