Accessibility links

چالاکوانانی سوریا ده‌ڵێن هێزه‌کانی حکومه‌ت و سه‌رهه‌ڵـداوان له‌ سه‌رانسه‌ری وڵاته‌که‌ به‌رده‌وامن له‌ شه‌ڕوپـێـکدادان و به‌ ده‌یان کوژراو و بریندار که‌وتوونه‌ته‌وه‌.
هاوکات هێزه‌کانی حکومه‌ت به‌ فڕۆکه‌ و تۆپ و تانک و خومپاره‌‌ به‌رده‌وام بوون له‌ بۆردومانکردنی چه‌ندین ناوچه‌ی وڵاته‌که‌، له‌وانه‌ له‌ حه‌له‌ب و حه‌ما و ڕیف دیمه‌شق و حومس و ئدلیب و دێر ئه‌زور و ده‌رعا و قه‌راغ شـاری لازقیه‌.
هه‌روه‌ها چالاکوانان ده‌ڵێن چه‌ند ته‌قینه‌وه‌یه‌کی به‌هێز ئه‌مڕۆ یه‌کشه‌ممه‌ دیمه‌شقی پایته‌ختی هه‌ژاندووه‌.
له‌ پارێزگای ڕقـقه‌ی هاوسنوور له‌گه‌ڵ تورکیا، سه‌رهه‌ڵـداوان ناوچه‌ی زیاتریان کۆنتڕۆڵ کردووه‌. تورکیاش لای خۆیه‌وه‌ چه‌ند ناوچه‌یه‌کی سـنووری خۆی له‌ دانیشـتوان چۆڵ کردووه‌ له‌ ترسی بۆردومانی کوێرانه‌ی هێزه‌کانی حکومه‌تی سوریا.
XS
SM
MD
LG