Accessibility links

به‌هۆی خۆپیشاندان له‌ لیبیا دژ به‌ ملیشیاکان 2 که‌س ده‌کوژرێن

  • VOA News

خۆپیشانده‌رانی لیبیا هێرشیان کرده‌ سه‌ر بنکه‌ی گروپی ئه‌نسار ئه‌لشه‌ریعه‌ 22ی 9ی 2012

خۆپیشانده‌رانی لیبیا هێرشیان کرده‌ سه‌ر بنکه‌ی گروپی ئه‌نسار ئه‌لشه‌ریعه‌ 22ی 9ی 2012

سه‌ر له‌ به‌یانی ئه‌مڕۆ شه‌ممه‌ له‌ پێکدادانێک دا که‌ به‌لایه‌نی که‌م دوو که‌سی تێدا کوژران خۆپیشانده‌رانی لیبی ملیشیا ئیسلامییه‌کانیان له‌ بنه‌کانیان کرد و ده‌ستیان گرت‌ به‌سه‌ر چه‌ندین بنکه‌ی دیکه‌ی نیمچه‌ له‌شکری له‌ شاری بنغازی.
گرتنی بنکه‌ی ملیشیاکانی ئه‌نساڕ ئه‌لشه‌ریعه‌ و بنکه‌کانی دیکه‌ی گروپه‌ چه‌کداره‌ ئیسلامییه‌کان پاش ئه‌وه‌ بوو که‌ ده‌یان هه‌زار که‌سی لیبی له‌ ڕۆژی هه‌ینی له‌ بنغازی خۆپیشاندانیان سازدا و داوای چه‌ککردنی ده‌سته‌و تاقمه‌ چه‌کداره‌ به‌هێزه‌کانیان ده‌کرد.
خۆپیشانده‌رانی لیبی دروشمه‌کانیان به‌ ئینگلیزی و عه‌ره‌بی نوسیبوو که‌ بریتی بوون له‌مانه‌ "تیرۆرسم هیچ جێگای نییه‌ له‌ لیبیای نوێدا" و هه‌روه‌ها " لیبیا دۆستێکی له‌ ده‌ستداوه‌".
شایانی باسه‌ ئه‌نساڕ ئه‌لشه‌ریعه‌ تاوانبار کراوه‌ به‌و هێرشانه‌ی که‌ باڵیۆزی ئه‌مه‌ریکا کرس ستیڤن و چه‌ند ئه‌مه‌ریکایی دیکه‌ی له‌ هه‌فته‌ی ڕابوردوو تێدا کوژران. گروپه‌که‌ نکوڵی له‌و تاوانه‌ ده‌کات.
XS
SM
MD
LG