Accessibility links

له‌ ئێران خۆپیشاندانه‌ دژی کاریکاتێره‌کان

  • VOA News

خوێندکارانی ئێرانی له‌ ده‌ره‌وه‌ی باڵیۆزخانه‌ی فه‌ڕه‌نسا له‌ تاران خۆپیشاندانیان کردووه‌ وه‌ک ناڕه‌زایی ده‌ربڕین به‌رامبه‌ر بڵاوکردنه‌وه‌ی ئه‌و وێنه‌ کاریکاتێریانه‌ی سوکایه‌تی به‌ موحه‌مه‌د پێغه‌مبه‌ری موسڵمانان ده‌کات له‌ گۆڤارێکی فه‌ڕه‌نسیدا.
ئاژانسی ده‌نگ و باسی ڕۆیته‌رز ده‌ڵێت خۆپیشانده‌ران دروشمی مردن بۆ فه‌ڕه‌نسا و مردن بۆ ئه‌مریکایان گوتۆته‌وه‌.
ئاژانسی ده‌نگ و باسی فارس ده‌ڵێت قوتابیانی ئێرانی له‌ دروشمه‌کانیاندا هانی‌ گه‌لی فه‌ڕه‌نسایان داوه‌ تا داوا له‌ حکومه‌تی وڵاته‌که بکات ڕێز له‌ پیرۆزییه‌کان و مرۆڤایه‌تی بگرێت.
گه‌واهده‌رێک به‌ ئاژانسی ڕۆیته‌رزی گوتووه‌ ژماره‌ی به‌شداربووانی ئه‌م خۆپیشاندانه‌ی ئه‌مڕۆ 5شه‌ممه‌ نزیکه‌ی 100 که‌س بوون و هێزه‌کانی ئاسایش له‌ تاران ته‌واو کۆنترۆڵی ڕه‌وشه‌که‌یان کردبوو.
گۆڤاری ته‌نزئامێزی (شارلی هیبدو) ژماره‌یه‌ک وێنه‌ی کاریکاتێری موحه‌مه‌د پێغه‌مبه‌ری موسڵمانانی بڵاوکردۆته‌وه‌ و وه‌ک گۆڤاره‌که‌ ده‌ڵێت هه‌وڵێک بووه‌ بۆ گاڵته‌پێکردنی ئه‌و توڕه‌یی و ناڕه‌زاییه‌ی له‌ ئاکامی بڵاوبوونه‌وه‌ی فلیمێک که‌ له‌ ئه‌مریکا به‌رهه‌م هێنراوه‌ و سوکایه‌تی به‌ ئاینی ئیسلام و پێغه‌مبه‌ری موسڵمانان ده‌کات.
بۆ زۆرێک له‌ موسڵمانان، وێنه‌ کێشانی پێغه‌مبه‌ر وه‌ک کوفرکردن لێی ده‌ڕوانن.
XS
SM
MD
LG