Accessibility links

دانیمارک 8 که‌س به‌ تاوانی کۆمه‌کی دارایی په‌که‌که‌ ده‌سـتگیرده‌کات

  • VOA News

پـۆلیسی دانیمارک ڕایگه‌یاند 8 که‌سی ده‌سـتگیرکردووه‌ که‌ گومانیان لێـده‌کرێت کۆمه‌کی دارایـیـیان بۆ پارتی کرێکارانی کوردسـتان ڕه‌وانه‌کردبێت.
لێـکۆڵه‌ر جێنز مۆڕێڵ جه‌نسن ده‌ڵێت نزیکه‌ی 24.6 ملیۆن دۆلار له‌ دانیمارکه‌وه‌ بۆ پارتی کرێکارانی کوردسـتان ڕه‌وانه‌کراوه‌. ده‌شڵێت ته‌نها له‌ ماوه‌ی 3 سـاڵی ڕابردوودا نزیکه‌ی 11.8 ملیۆن دۆلار له‌ نێو کورده‌کاندا و به‌ تایبه‌تی کارداره‌کانیان کۆکراوه‌ته‌وه‌.
ئه‌وانه‌ی ده‌سـتگیرکراون ته‌مه‌نیان له‌ نێوان 27 بۆ 71 سـاڵه‌ و بڕیاره‌ به‌ تاوانی کۆمه‌کی دارایی‌ کۆمه‌ڵێـکی تێرۆرسـتی سبه‌ی چوارشه‌ممه‌ له‌ کۆبنهاگن له‌ به‌رده‌می دادگا ئاماده‌بن. گه‌وره‌ترین سزای ئه‌و تاوانه‌ 6 سـاڵ زیندانیـیه‌. پـۆلیس ده‌ڵێت ڕه‌نگه‌ که‌سانی دیکه‌ش به‌و تاوانه‌ ده‌سـتگیربکه‌ن.
XS
SM
MD
LG