Accessibility links

ته‌قینه‌وه‌یه‌کی خۆکژی له‌ کابول ده‌بێته‌ مایه‌ی کوژرانی 12 که‌س

  • VOA News

خۆکوژێـک له‌ کابولی پایته‌ختی ئه‌فغانسـتان خۆی به‌ پاسێـکی بچوکدا ته‌قاندووه‌ته‌وه‌ که‌ که‌سانی بیانی تیادا بوو و له‌ ئاکامدا به‌ لایه‌نی که‌م 12 که‌س کوژراون.
پـۆلیس ده‌ڵێت ته‌قینه‌وه‌که‌ ئه‌مڕۆ سێشه‌ممه‌ له‌ نزیـک فڕۆکه‌خانه‌ی کابول بووه‌ و به‌ لایه‌نی که‌م بووه‌ته‌ مایه‌ی کوژرانی 9 که‌سی بیانی و 3 که‌سی ئه‌فغانی که‌ یه‌کێـکیان شۆفێری پاسه‌که‌ بووه‌. خۆکوژه‌که‌ له‌سه‌ر ئه‌و شـاڕێگه‌یه‌ی به‌ره‌و فڕۆکه‌خانه‌که‌ ده‌چێت، ئۆتۆمبیلێـکی پـڕ ته‌قه‌مه‌نی له‌ نزیک پاسه‌که‌دا ته‌قانده‌وه‌.
کاربه‌ده‌سـتانی ئه‌فغانی گوتیان بیانیـیه‌کان که‌سانی خه‌ڵـکی ڕووسیا و ئه‌فریکای باشوریان له‌ نێودایه‌ که‌ بۆ کۆمپانیایه‌کی تایبه‌ت له‌ ناو فڕۆکه‌خانه‌که‌ کاریان ده‌کرد.
کۆمه‌ڵی حزبی ئیسلامی به‌رپـرسیارێتی خۆی له‌ هێرشه‌که‌ ڕاگه‌یاند و ده‌ڵێت ژنێـک هێرشه‌که‌ی کردووه‌ له‌ کاردانه‌وه‌ به‌رامبه‌ر فلیمه‌که‌ی دژی ئیسلام.
XS
SM
MD
LG