Accessibility links

ناکۆکیـیه‌کان له‌ به‌رامبه‌ر پـێکهاته‌ی نوێی کۆمسیۆنی هه‌ڵبژاردنه‌کانی عێراق به‌رده‌وامن

  • Goran Tawfeeq

ئه‌نجومه‌نی نوێنه‌رانی عێراق له‌ نێو ململانێـیه‌کی توندا ده‌نگی به‌ ئه‌ندامانی کۆمسیۆنی هه‌ڵبژاردنه‌کان دا که‌ ژماره‌یان 9 کۆمسیاربوو. چواریان بۆ پـێـکهاته‌ی شیعه‌ بوو و دووانیان بۆ کورد و دووانیشیان بۆ پـێـکهاته‌ی عه‌ره‌بی سووننه‌، به‌ڵام کۆمسیاری نۆیه‌م پاش ئه‌وه‌ی له‌ لایه‌ن سه‌رۆکایه‌تی په‌رله‌مانه‌وه‌ ناوی خۆێندرایه‌وه‌ که‌ کاندیده‌که‌ی تورکمانێـکی ژن بوو، نوێنه‌ری مه‌سیحیـیه‌کانی عێراق نیگه‌رانی ده‌ربڕی و داوای ڕاگرتنی ده‌نگدانه‌که‌ی کرد.
سه‌رۆکی په‌رله‌مانیش به‌ ڕه‌زامه‌ندی ته‌نها بۆ هه‌شت کۆمسیار کۆتایی به‌ دانیشـتنه‌که‌ هێنا و کۆبوونه‌وه‌که‌ی بۆ هه‌فته‌ی داهاتوو دواخست.
شایه‌نی باسه‌ ئه‌ندامانی ئیتیلافی ده‌وڵه‌تی یاسا دژ به‌ ده‌نگدانه‌که‌ و یه‌کلاکردنه‌وه‌ی کۆمسیاران بوون و له‌ به‌رامبه‌ردا په‌رله‌مانیان به‌جێهێشت و سکاڵایه‌کیشـیان بۆ دادگای فیدراڵی به‌رزکرده‌وه‌.
لیستی گۆڕانیش ده‌نگی به‌ هیچ کاندیدێـک نه‌دا و له‌گه‌ڵ به‌ره‌ی ناڕه‌زایـیدا که‌ هه‌ره‌یه‌که‌ له‌ کۆمه‌ڵ و یه‌کگرتووشی له‌خۆگرتبوو، تانه‌یان له‌ بڕیاری ده‌نگدانه‌که‌ دا.
XS
SM
MD
LG