Accessibility links

خه‌نده‌ڕه‌ش: ئێران ناچاره هاوکاری ڕژێمی ئه‌سه‌د بکات

  • Ahmad Barzani

ڕژێمی ئێران به فه‌رمی رایگه‌یاند که ئه‌ندامانی هێزی قودس له سوریا هاوکاری ڕژێمی به‌شار ئه‌لئه‌سه‌د ده‌که‌ن.

کۆمانداری سوپای پاسداران محه‌مه‌د عه‌لی جه‌عفه‌ری ده‌ڵێت ڕاوێژکارانی هێزی قودس هاوکاری هێزه‌کانی حکومه‌تی سوریا ده‌که‌ن، به‌ڵام هاوکاریه‌کان سه‌ربازی نین.
جه‌عفه‌ری هه‌روه‌ها ده‌ڵێت ڕه‌نگه‌ ئێران کاردانه‌وه‌ی سه‌ربازی هه‌بێت ئه‌گه‌ر سوریا که‌وته به‌ر هێرشێکی ده‌ره‌کی.

قادری خه‌نده‌ڕ‌ه‌ش سه‌رۆکی پارتی ئازادی و دیموکراسی کوردستان ده‌ڵێت ئێران ناچاره‌ پشتیوانی ڕژێمی ئه‌سه‌د بکات چونکه‌ سوریا به‌ره‌ی پێشه‌وه‌ی شه‌ڕی ئێرانه له دژی رۆژئاوا و ئیسرائیل.

به‌ڕێز خه‌نده‌ڕه‌ش هه‌روه‌ها ده‌ڵێت ئێران له‌و باوه‌ڕه‌دایه که ڕوخانی ڕژێمی ئه‌سه‌د ده‌بێته هۆی نه‌مانی کۆماری ئیسلامی.

ناوبراو هه‌روه‌ها ده‌ڵێت ئه‌گه‌ر سوریا دووچاری هێرشێکی ده‌ره‌کی ببێته‌وه‌ "دوور نیـیه جمهوری ئیسلامی ده‌خاله‌ت بکات."

شایانی باسه هێزی قودس سه‌ر به سوپای پاسدارانه‌ و له‌‌ ده‌ره‌وه‌ی ئێران کار ده‌کات.

XS
SM
MD
LG