Accessibility links

کاردانه‌وه‌ی موسوڵمانه‌ ئه‌مه‌ریکاییه‌کان له‌سه‌ر توندوتیژییه‌کانی ڕۆژهه‌ڵاتی ناوه‌ڕاست و هۆکاری دروست بونه‌که‌ی


له‌ لۆس ئه‌نجه‌لس تا ده‌گاته‌ نیویۆرک موسوڵمانه‌ ئه‌مه‌ریکاییه‌کان کاردانه‌وه‌یان هه‌یه‌ له‌سه‌ر ڕووداوه‌کانی ڕۆژهه‌ڵاتی ناوه‌ڕاست و هۆکاری توندوتیژی و خۆپیشاندانه‌کانیش.
موسته‌فا له‌ نیویۆرک ده‌ڵێت ئه‌و هه‌نگاوانه‌ی له‌لایه‌ن خۆپیشانده‌رانه‌وه‌ نراوه‌ ناپه‌سه‌ند ده‌کات.
ده‌لێت " من ئه‌و کاردانه‌وانه‌ی خۆپیشانده‌ران په‌سه‌ند ناکه‌م که‌ چوونه‌ته‌ نێو کۆنسۆڵیه‌که‌و سوتاندویانه‌ به‌ڵام به‌ ئاشتیانه‌ قسه‌ی له‌ سه‌ر بکه‌یت و بڵێیت توڕه‌ی شتێکی ئاساییه‌".
زۆربه‌ری موسوڵمانه‌ ئه‌مه‌ریکاییه‌کان له‌ ناویاندا سوره‌یا ئه‌و فلیمه‌یان قه‌به‌ڵ نییه‌ که‌ بۆته هۆی هه‌ڵگیرسانی توندوتیژی.
سوره‌یا ده‌ڵێت " نابوایه‌ تا ئه‌و ڕاده‌یه‌ هێرش بکرێته‌ سه‌ر که‌سایه‌تییه‌کی وه‌ها. بێگومان هه‌مو که‌سێک خاوه‌نی بیروڕای خۆیه‌تی به‌ڵام ئه‌م ڤیدیۆیه‌ بڵاو کردنه‌وه‌ی ڕق و کینه‌یه‌ جا له‌به‌ر ئه‌وه‌ ده‌بێت سیزا بدرێن بۆ ئه‌وه‌ی کردیان".
هه‌رچه‌نده‌ ئه‌و فلیمه‌ دژی ئه‌وان بوو به‌ڵام ژماره‌یه‌کی زۆری موسوڵمانه‌کان له‌ ناویاندا ئیدینا لیکۆڤیچی خه‌ڵکی لۆس ئه‌نجلس ده‌ڵێت پێویست ناکات حکومه‌تی ئه‌مه‌ریکا یاسای سانسۆر کردنی هه‌بێت، ده‌ڵێت پێویست ناکات ئێمه‌ وڵاتی خۆمان بگۆڕین له‌به‌ر ئه‌وه‌ی ئازادی ڕاده‌ربڕین هه‌میشه‌ ڕێگامان پێ ده‌دات له‌م وڵاته‌دا ئه‌وه‌بین که‌ خۆمان ده‌مانه‌وێت، و په‌یڕه‌وی ئاینی ئیسلاممان بکه‌ین تا ئه‌و ئاسته‌ی که‌ خۆمان بمانه‌وێت.
وته‌بێژی سه‌نته‌ری ئیسلامی له‌ باشوری کالیفۆرنیا له‌ میانه‌ی وتاری نوێژی هه‌ینیدا ڕایگه‌یاند کرداره‌ توندوتیژه‌کان و خۆپیشاندانه‌کان ڕه‌نگدانه‌وه‌ی ڕێبازی پێغه‌مبه‌ر محه‌مه‌د نییه‌.
XS
SM
MD
LG