Accessibility links

ئێران: حزبوڵڵای لوبنان له‌ دژی ئیسرائیل به‌رگریمان لێده‌کات


یاریده‌ده‌رێـکی عه‌لی خامه‌نه‌ئی ڕێبه‌ری باڵای ئێران گوتوویه‌تی هه‌ڕه‌شه‌ له‌شـکریـیه‌کانی ئیسرائیل وایکردووه‌ ئیسرائیلیـیه‌کان یه‌ک هه‌نگاو له‌ گۆڕ به‌ دور بن، چونکه‌‌ حزبوڵڵای لوبنان ئاماده‌یه‌ وه‌ڵام بداته‌وه‌.
ئاژانسی ده‌نگ‌وباسی ئیسنای ئێران ئه‌مڕۆ هه‌ینی ئه‌مه‌ی ڕاگه‌یاند و گوتی یه‌حیا ڕه‌حیم سه‌فه‌وی ڕاوێژکاری له‌شـکری خامه‌نه‌ئی، هه‌ڕه‌شه‌کانی ئیسرائیل بۆ لێـدانی داموده‌زگا ناوکیـیه‌کانی ئێران به‌ هه‌نگاوێـکی گه‌مژانه‌ ناودێرکردووه‌.
گوتویه‌تی ئه‌گه‌ر هاتوو ئیسرائیل ڕۆژێـک کارێـکی له‌ دژمان کرد، ئه‌وا کۆمه‌ڵه‌کانی به‌رگری و به‌ تایبه‌تی حزبوڵڵا به‌ ئاسانی وه‌ڵام ده‌ده‌نه‌وه‌.
جێی ئاماژه‌یه‌ حه‌سه‌ن نه‌سڕوڵڵا ڕێبه‌ری حزبوڵڵای لوبنان پـێشـتر له‌ چاوپـێـکه‌وتنێـکی ته‌له‌فیزیۆنیدا گوتی هه‌ر هێرشێـک بۆ سه‌ر ئێران بکرێت، ئه‌وا له‌ ئیسرائیل و شوێنه‌کانی ئه‌مه‌ریکا له‌ ناوچه‌که‌دا ده‌درێن ته‌نانه‌ت ئه‌گه‌ر هێزه‌کانی ئه‌مه‌ریکا ڕۆڵیشیان تیایدا نه‌بێت.
XS
SM
MD
LG