Accessibility links

ئه‌لئه‌خزه‌ر ئه‌لئیبراهیمی بۆ وتووێژکردن ده‌گاته‌ سوریا

  • VOA News

نێردراوی نوێی نێوده‌وڵه‌تی و کۆمکاری عه‌ره‌ب بۆ قه‌یرانی سوریا ئه‌لئه‌خه‌زه‌ر ئه‌لئیبراهیمی ئه‌مڕۆ پـێـنجشه‌ممه‌ گه‌یشـته‌ دیمه‌شقی پایته‌ختی سوریا به‌ مه‌به‌سـتی وتووێژکردن له‌گه‌ڵ کاربه‌ده‌سـتانی ئه‌و وڵاته‌.
ئه‌لئیبراهیمی له‌ ده‌می گه‌یشتنی بۆ فڕۆکه‌خانه‌ی دیمه‌شق به‌ ڕۆژنامه‌وانانی گوت ئه‌و له‌و بڕوایه‌دایه‌ هه‌موو کۆکن‌ له‌سه‌ر ئه‌وه‌ی پـێویسته‌ ئه‌و خوێن ڕشتنه‌ ڕابگیرێت و ته‌بایی بۆ وڵاته‌که‌ بگه‌ڕێته‌وه‌. گوتیشی هیواداره‌ له‌ ئه‌رکه‌که‌یدا سه‌رکه‌وتووبێت.
ئه‌حمه‌د فه‌وزی گوته‌بێژی نێردراوی نوێ له‌ به‌یانـنامه‌یه‌کدا ڕایگه‌یاند که‌وا ئیبراهیمی له‌گه‌ڵ حکومه‌ت و نوێنه‌رانی ئۆپـۆزسیۆن و گۆمه‌ڵی سیڤیلدا وتووێژده‌کات.
چاوه‌ڕوان‌ده‌کرێت سبه‌ی هه‌ینی له‌گه‌ڵ سه‌رۆکی سوریا به‌شـار ئه‌سه‌د کۆبـبێته‌وه‌.
لای خۆیه‌وه‌ فه‌یسه‌ڵ موقداد جێـگری وه‌زیری ده‌ره‌وه‌ی سوریا که‌ هاوڕێـیه‌تی ئیبراهیمی ده‌کرد به‌ ڕۆژنامه‌وانی گوت وڵاته‌که‌ی له‌و بڕوایه‌دایه‌ ئیبراهیمی له‌ پـێشـهاته‌کان و چۆنێتی چاره‌سه‌رکردنی کێشه‌کان به‌ شێوه‌یه‌کی گشـتی حاڵیـیه‌. گوتیشی ئه‌وان گه‌شبینن و هیوادارن ئیبراهیمی له‌ کاره‌که‌یدا سه‌رکه‌وتووبێت.
XS
SM
MD
LG