Accessibility links

ئۆباما و ڕامنی له‌ دوو سـتانی گرنگ بانگه‌شه‌ بۆ خۆیان ده‌که‌ن

  • VOA News

براک ئۆبامای سه‌رۆکی وڵاته‌ یه‌کگرتووه‌کانی ئه‌مه‌ریکا دوێنێ شه‌ممه‌ ده‌سـتی به‌ هه‌ڵمه‌تی بانگه‌شه‌ی سه‌رۆکایه‌تی دیموکراته‌کان کرد له‌ سـتانی فلۆریدا که‌ گرنگی و بایه‌خی بۆ هه‌ڵبژاردنی سه‌رۆکایه‌تی هه‌یه‌.
ئه‌م هه‌ڵمه‌ته‌ی سه‌رۆک ئۆباما به‌ دوو ڕۆژ دوای ئه‌وه‌ ده‌سـتیپـێـکرد که‌ به‌ڕێز ئۆباما به‌ربژارکردنی خۆی بۆ کاندیدی سه‌رۆکایه‌تی پارته‌که‌ی په‌سه‌ندکرد.
هاوکات ده‌رکه‌وتنی براک ئۆباما له‌ سـتانی فلۆریدا به‌ که‌مێـک زیاتر له‌ هه‌فته‌یه‌ک دوای ئه‌وه‌ دێت که‌ کۆماریـیه‌کان کۆنگره‌ی نیشـتیمانی خۆیان له‌و سـتانه‌ی باشوری وڵات سـازدا و به‌ فه‌رمی مت ڕامنیان به‌ به‌ربژاری خۆیان بۆ هه‌ڵبژاردنه‌کانی سه‌رۆکایه‌تی ده‌سـتنیشـانکرد ئه‌وه‌ی‌ له‌ 6 ی مانگی یازده‌دا به‌ڕیوه‌ده‌چێت.
مت ڕامنی دوێنێ له‌ سـتانی ڤێرجینیا به‌ هه‌ڵمه‌تی بانگه‌شه‌ی سه‌رۆکایه‌تی به‌سه‌ر برد.
جێی ئاماژه‌یه‌ هه‌ردوو سـتانی فلۆریدا و ڤێرجینیا به‌و سـتانانه‌ ده‌ناسرێن که‌ ده‌نگده‌ران تیایاندا خۆیان زوو یه‌کلایی ناکه‌نه‌وه‌ ده‌نگ بۆ چ کاندیدێـک ده‌ده‌نن، به‌ڵام له‌ هه‌مان کاتیشـدا ده‌رئه‌نجامی سه‌رۆکایه‌تی دیاری ده‌که‌ن.
XS
SM
MD
LG