Accessibility links

شاندی کۆنگرێسی ئه‌مه‌ریکا سه‌ردانی هه‌رێمی کوردسـتان ده‌کات


شـاندی کۆنگرسی ئه‌مه‌ریکا که‌ به‌ سه‌ردانێـک له‌ عێراقه‌، ئه‌مڕۆ چوارشه‌ممه‌ گه‌یشته‌ هه‌رێمی کوردسـتان و له‌وێ له‌گه‌ڵ کاربه‌ده‌سـتانی باڵای هه‌رێمدا کۆبووه‌وه‌.
شـانده‌که‌ که‌ له‌ سیناتۆران جۆن مه‌ککه‌ین و جۆ لیبرمان و لیندزی گراهام پـێـکهاتووه‌، له‌گه‌ڵ مه‌سعود بارزانی سه‌رۆکی هه‌رێمی کوردسـتان کۆبوونه‌وه‌.
ئه‌ندامانی شـانده‌که‌ خۆشـحاڵی خۆیان ده‌ربڕیوه‌ له‌ به‌رامبه‌ر ئه‌و پـێشـکه‌وتنه‌ی کوردسـتان به‌خۆیه‌وه‌ بینیویه‌تی و گوتوویانه‌ هه‌رچی بۆ ئه‌و گه‌له‌ بکرێت هێشـتا که‌مه‌.
به‌ڵام شانده‌که‌ نیگه‌رانی خۆیان نیشـان دا‌ سه‌باره‌ت به‌ کێشه‌کانی نێوان به‌غدا و هه‌ولێر و جه‌ختیان له‌سه‌ر ئه‌وه‌ کردووه‌ته‌وه‌ که‌ پـێوسته‌ به‌پـێی ده‌سـتور ئه‌و کێشانه‌ چاره‌سه‌ربکرێن.
هه‌روه‌ها قه‌یرانی سوریاش ته‌وه‌رێـکی دیکه‌ی وتووێژه‌کان بوون. هه‌ردوو لایه‌ن کۆکبوون له‌سه‌ر ئه‌وه‌ی خوازیارن ئه‌لته‌رناتیڤێـکی دیموکرات له‌ سوریا بێته‌ سه‌ر ده‌سه‌ڵات و کوردیش له‌وێ به‌ مافه‌ ڕه‌واکانی خۆی بگات و ڕۆڵێـکی سه‌ره‌کی له‌ دیموکراتیزه‌کردنی ئه‌و وڵاته‌دا بـبینێت.
شایه‌نی باسه‌ سیناتۆر جۆ لیبرمان له‌ تویته‌ره‌که‌ی خۆیدا نووسیویه‌تی " له‌ 91 دا ناوچه‌ی دژه‌ فڕین # عێراق # کوردسـتان ی له‌ سه‌دام پاراست. ئه‌وا ئێسـتا حکومه‌تی هه‌رێمی کوردسـتان هاوپه‌یمانێـکی گه‌وره‌یه‌. ئه‌مڕۆش پـێویسـتمان به‌ ناوچه‌یه‌کی دژه‌ فڕینه‌ بۆ پاراسـتنی # سوریا له‌ ئه‌سه‌د.


سه‌باره‌ت به‌م سه‌ردانه‌ هاوکارمان شوان سه‌عید گفتوگۆی له‌گه‌ڵ به‌کر حه‌مه‌ سدیق عارف ئه‌ندامی په‌رله‌مانی عێراق له‌سه‌ر لیستی یه‌کگرتووی ئیسلامی کردووه‌.
please wait

No media source currently available

0:00 0:05:54 0:00
Direct link
XS
SM
MD
LG