Accessibility links

کۆنگره‌ی دیموکراته‌کان بۆ هه‌ڵـبژاردنی سه‌رۆکایه‌تی 2012 ئه‌مشه‌و ده‌سـتپـێده‌کات

  • VOA News

ئه‌مشه‌وی سێشه‌ممه‌یه‌ دیموکراته‌کان کۆنگره‌ی خۆیان بۆ هه‌ڵـبژاردنه‌کانی سـه‌رۆکایه‌تی 2012 له‌ شـاری شارلۆتی سـتانی نۆرث کارۆلاینا ده‌که‌نه‌وه‌، ئه‌مه‌ش به‌ مه‌به‌سـتی سه‌رله‌نوێ په‌سه‌ندکردنی براک ئۆباما وه‌ک کاندیدی دیموکراته‌کان بۆ سه‌رۆکایه‌تی وڵاته‌که‌.
بڕیاره‌ له‌ یه‌که‌م شه‌وی ئه‌م کۆنگره‌ سێ ڕۆژیـیه‌دا خانمی یه‌که‌می ئه‌مه‌ریکا میشێل ئۆباما گوته‌بێژی سه‌ره‌کی بێت و تیایدا داوا له‌ ئه‌مه‌ریکایـیه‌کان بکات جارێـکی دیکه‌ ده‌نگ به‌ هاوسه‌ره‌که‌ی بده‌نه‌وه‌.
به‌رپـرسـانی پارتی دیموکرات ده‌ڵێن خانم میشێل ئۆباما کورته‌یه‌ک له‌سه‌ر ژیانی ئۆباما له‌ کۆشـکی سپی و هه‌روه‌ها له‌ ڕابردوودا باس ده‌کات.
بڕیاره‌ ژوولیان کاسترۆ سه‌رۆکی شـاره‌وانی سان ئه‌نتۆنیۆی سـتانی ته‌کساس ئه‌ویش وتارێـک پـێشـکه‌ش بکات، به‌وه‌ش ده‌بێته‌ یه‌که‌م که‌س که‌ به‌ ڕه‌چه‌ڵه‌ک لاتینیـیه‌ و له‌ کۆنگره‌یه‌کی سه‌رۆکایه‌تی دیموکراته‌کاندا وتار پـێشـکه‌ش بکات.
XS
SM
MD
LG