لیژنه‌ی پەروەردەى پەرلەمانى عێراق کاره‌کانی وه‌زیری په‌روه‌رده‌ ڕه‌تده‌کاته‌وه‌

لیژنەى پەروەردەى پەرلەمانى عێراق بە زۆرینەى دەنگ میلاکى دامەزراندنى ئەمساڵى وەزارەتى پەروەردەى عێراقى هەڵوەشاندەوە بە هۆى ناشەفافیەت و نادادپەروەرى و پەیڕەوکردنى سیاسەتێکى ناوچەگەرایەتى لە پرۆسەى دامەزراندندا.
ئەندامانى لیژنەکە لە کۆنگرەیەکى رۆژنامەوانیدا سەرۆکایەتى پەرلەمان و حکومەتیان ئاگادارکردەوە لە خراپی سیاسەتى بەڕێوەبردنى وەزارەتى پەروەردە و تێوەگلانى چەند کەسێک لە دۆسیەیى گەندەڵى کە سەر بە نووسینگەى وەزیرن. لیژنەکە دەستیکردووه‌ بە لێکۆلینەوە خۆى و بەدەستکەوتنى بەڵگەى پێویست ئیمزا بۆ بانگێشت و لێپێچینەوە له‌گه‌ڵ وەزیر کۆ دەکاتەوە .