Accessibility links

نه‌بوونی ئه‌ندامێـکی کوردی که‌رکوک له‌ لیژنه‌ی مادده‌ی 140 ناڕه‌زایی لێـده‌که‌وێته‌وه‌

  • Goran Tawfeeq

به‌هۆی نه‌بوونی ڕێـکه‌وتنێـکی کوردی له‌سه‌ر دیاریکردنی ئه‌ندامانی لیژنه‌ی مادده‌ی 140 و ڕێژه‌ی ئه‌ندامانی کۆمسیۆنی هه‌ڵبژاردنه‌کان، په‌رله‌مانتارانی کورد له‌ چه‌ند کۆنگره‌یه‌کی ڕۆژنامه‌وانیدا 2 هه‌ڵوێستی کورد ده‌رده‌خه‌ن که‌ له‌سه‌ر ئه‌م دوو پـرسه‌ یه‌ک‌ده‌نگ نین و له‌ دوو به‌ره‌ی جیاوازدان.
نوێنه‌رانی که‌رکوک له‌ په‌رله‌مانی عێراق به‌هۆی نه‌بوونی په‌رله‌مانتارێـکی کوردی که‌رکوکه‌وه‌ له‌ لیژنه‌ی مادده‌ی 140 بایکۆتی هه‌موو هاوکاری و کاره‌کانی لیژنه‌که‌ ده‌که‌ن، ئه‌گه‌رچی سه‌رۆکه‌که‌ی په‌رله‌مانتارێـکی پارتیـیه‌ و کورده‌.
شایه‌نی باسه‌ له‌ کۆی 17 ئه‌ندام ته‌نها 3 کورد له‌و لیژنه‌یه‌دا ناویان هاتووه‌ و هیچ کامیان په‌رله‌مانتاری که‌رکوک نیـن.
ئاڵا تاڵه‌بانی له‌ کۆنگره‌یه‌کی ڕۆژنامه‌وانیدا ئه‌مڕۆ به‌ توندی ڕه‌خنه‌ ده‌گرێت و بیرۆکه‌ی دابه‌شـکردن و دیاریکردنی ئه‌ندامه‌کانیش به‌ زیان بۆ سه‌ر دۆسێی مادده‌ی 140 ناوبردووه‌. داواشی له‌ سه‌رۆکی هه‌رێم کرد له‌م بابه‌ته‌ بێ ده‌نگ نه‌بێت.

XS
SM
MD
LG