Accessibility links

یونیسێف: له‌ ماوه‌ی هه‌فته‌ی ڕابردوو 1600 که‌س له‌ سوریا کوژراون

  • VOA News

ڕێـکخراوی سه‌ر به‌ نه‌ته‌وه‌ یه‌کگرتووه‌کان بۆ پاراستن و گرنگیدان به‌ منداڵان (یونیسێف)، ده‌ڵێت له‌ ماوه‌ی هه‌فته‌ی ڕابردوو به‌هۆی شه‌ڕی ناوخۆی سوریا 1600 که‌س له‌و وڵاته‌ کوژراون، به‌وه‌ش ئه‌و هه‌فته‌یه‌ ده‌بێته‌ خوێناویترین هه‌فته‌ له‌ ماوه‌ی 18 مانگی ڕاپه‌ڕینی خه‌ڵـکی سوریا.
پاتریک مکـکۆرمیک گوته‌بێژی ڕێـکخراوی یونیسێف ئه‌مڕۆ یه‌کشه‌ممه‌ ئه‌مه‌ی ڕاگه‌یاند و گوتی ژماره‌یه‌ک منداڵ له‌ نێو ئه‌و کوژراوانه‌دان، به‌ڵام نه‌یگوت چۆن ئه‌و ژماره‌یه‌ی ده‌سـتکه‌وتووه‌.
چالاکوانانی سوریا له‌ ماوه‌ی هه‌فته‌ی ڕابردوو ڕۆژانه‌ باسیان له‌ کوژرانی 100 هه‌تا 200 که‌س ده‌کرد. حکومه‌تی سوریا په‌ره‌ی به‌ هێرشه‌ ئاسـمانیـیه‌کانی بۆ سه‌ر خه‌ڵـکی ڕاپه‌ڕیو داوه‌ و به‌ تایبه‌تی به‌ فڕۆکه‌ی جه‌نگی.
به‌پـێی چالاکوانان هه‌ر ئه‌مڕۆ به‌ فڕۆکه‌ی جه‌نگی له‌ ناوچانه‌کانی حریتان و عه‌نه‌دان و ئه‌لباب و هنانو و سه‌رجه‌ و بزاعه‌ی پارێزگای حه‌له‌ب دراوه‌. هه‌روه‌ها زیاتر له‌ 130 که‌س له‌ سه‌رانسه‌ری وڵاته‌که‌ کوژراون.
XS
SM
MD
LG