چالاکوانانی سوریا ده‌ڵێن سه‌رهه‌ڵـداوان له ڕۆژهه‌ڵاتی وڵاته‌که ده‌سـتیانگرتووه به‌سه‌ر شوێنێـکی به‌رگری ئاسـمانی له‌شـکری حکومه‌تدا و هه‌روه‌ها هێرشیان کردووه‌ته سه‌ر بنکه‌یه‌کی ئاسـمانی له‌شـکری.
کۆمه‌ڵه‌ی چاودێری مافه‌کانی مرۆڤی سوریا بنکه له بریتانیا ده‌ڵێت هێرشه‌کان له شـاری ئه‌لبوکه‌مالی پارێزگای دێر ئه‌زوری نزیک سـنووری عێراق ڕوویان داوه.
کۆمه‌ڵه‌که ده‌ڵێت سه‌رهه‌ڵـداوان 16 که‌سی بنکه‌که‌شیان ده‌سـتگیرکردووه.
ڕامی عه‌بدولڕه‌حمان به‌رپـرسی کۆمه‌ڵه‌که به ئاژانسی ده‌نگ‌وباسی فه‌ڕه‌نسایی گوتووه ده‌ستبه‌سه‌راگرتنی ئه‌و بنکه‌یه گورزێـکی گه‌وره‌یه که له حکومه‌ت که‌وتووه. گوتیشی هه‌روه‌ها هێرش کراوه‌ته سه‌ر بنکه‌ی ئاسـمانی حه‌مدان و ئه‌وه‌ش شه‌ڕێـکی گه‌وره‌ی لێـکه‌وتووه‌ته‌وه.
جێی ئاماژه‌یه ماوه‌یه‌که سه‌رهه‌ڵداوان بنکه ئاسـمانیـیه‌کانی له‌شـکر ده‌که‌نه نیشـانه.
چه‌ند ڕۆژێـکیش له‌مه‌وبه‌ر سه‌رهه‌ڵـداوان هێرشیان کرده سه‌ر فڕۆکه‌خانه‌ی له‌شـکری ته‌فته‌نازی نزیـک شـاری ئیدلب له باکوری سوریا.
کۆمه‌ڵه‌ی چاودێری مافه‌کانی مرۆڤی سوریا بنکه له بریتانیا ده‌ڵێت هێرشه‌کان له شـاری ئه‌لبوکه‌مالی پارێزگای دێر ئه‌زوری نزیک سـنووری عێراق ڕوویان داوه.
کۆمه‌ڵه‌که ده‌ڵێت سه‌رهه‌ڵـداوان 16 که‌سی بنکه‌که‌شیان ده‌سـتگیرکردووه.
ڕامی عه‌بدولڕه‌حمان به‌رپـرسی کۆمه‌ڵه‌که به ئاژانسی ده‌نگ‌وباسی فه‌ڕه‌نسایی گوتووه ده‌ستبه‌سه‌راگرتنی ئه‌و بنکه‌یه گورزێـکی گه‌وره‌یه که له حکومه‌ت که‌وتووه. گوتیشی هه‌روه‌ها هێرش کراوه‌ته سه‌ر بنکه‌ی ئاسـمانی حه‌مدان و ئه‌وه‌ش شه‌ڕێـکی گه‌وره‌ی لێـکه‌وتووه‌ته‌وه.
جێی ئاماژه‌یه ماوه‌یه‌که سه‌رهه‌ڵداوان بنکه ئاسـمانیـیه‌کانی له‌شـکر ده‌که‌نه نیشـانه.
چه‌ند ڕۆژێـکیش له‌مه‌وبه‌ر سه‌رهه‌ڵـداوان هێرشیان کرده سه‌ر فڕۆکه‌خانه‌ی له‌شـکری ته‌فته‌نازی نزیـک شـاری ئیدلب له باکوری سوریا.