Accessibility links

ژنێـکی ئه‌مه‌ریکی 4 جار له‌ ماوه‌ی 26 کاژمێردا له‌ لایه‌ن پـۆلیسه‌وه‌ ده‌سـتگیرده‌کرێت

  • VOA News

Joyce Coffey

Joyce Coffey

ژنێـکی ئه‌مه‌ریکایی له‌ شـاری ئه‌پـپینگی سـتانی نیو هامشه‌ر چوار جار له‌ ماوه‌ی 26 کاتژمێردا له‌ لایه‌ن پـۆلیسه‌وه‌ ده‌سـتگیرکرا، ئه‌وه‌ش به‌هۆی لێـدانی گۆرانی "Highway to Hell'' واته‌ (شـاڕێ به‌ره‌و دۆزه‌خ) به‌ ده‌نگی به‌رز له‌ ماڵه‌که‌یدا و هه‌روه‌ها هه‌ڵـدانی تاوه‌یه‌ک به‌ره‌و ڕووی برازایه‌کی.
پـۆلیس ده‌ڵێت پاش نیوه‌ڕۆی سێشه‌ممه‌ جۆیس کوفی ئاگادارکراوه‌ته‌وه‌ له‌وه‌ی ده‌نگی گۆرانی به‌ به‌رزی کردووه‌ته‌وه‌ و ده‌بێت کزی بکات، به‌ڵام ئاگاداریـیه‌که‌ی پشـتگوێ خستووه‌ و بۆیه‌ پاش یه‌ک کاژمێر ده‌سـتگیرکراوه‌ و سزای دارایی بۆ بڕاوه‌ته‌وه‌.
دوای پـێـنج کاژمێری دیکه‌ دیسانه‌وه‌ گۆرانیـیه‌که‌ی به‌ به‌رزی لێـداوه‌ته‌وه‌ و پـۆلیس چووه‌ جارێـکی دیکه‌ ده‌سـتگیرکردووه‌ و سزای دارایی دیکه‌یان بۆ نووسیووه‌. پاشـان بۆ ئێواره‌ی چوارشه‌ممه‌ دیسـانه‌وه‌ جارێـکی دیکه‌ هه‌ر گۆرانیـیه‌که‌ی به‌ به‌رزی لێـداوه‌ته‌وه‌ و ده‌سـتگیرکراوه‌ته‌وه‌.
دواتر برازایه‌کی چووه‌ بۆ ماڵه‌که‌ی و هه‌وڵی داوه‌ هه‌ندێـک که‌لوپه‌لی خۆی له‌وێ به‌رێت، جۆیس کوفی له‌ به‌رامبه‌ردا یه‌ک تاوه‌ی تێـگرتووه‌. برازاکه‌شی پـۆلیسی ئاگادارکردووه‌ته‌وه‌ و ئه‌وانیش چوون ده‌سـتگیریان کردووه‌.
ده‌زگاکانی ڕاگه‌یاندن هه‌وڵیان داوه‌ په‌یوه‌ندی به‌م ژنکه‌ سه‌رکێشه‌ بکه‌ن، به‌ڵام به‌هۆی ئه‌وه‌ی له‌ به‌ندیخانه‌یه‌ نه‌توانراوه‌ چاوپـێـکه‌وتنی له‌گه‌ڵدا سـازبکه‌ن.
XS
SM
MD
LG