Accessibility links

له‌ ئاکامی دوو ته‌قینه‌وه‌ی خۆکوژی له‌ ئه‌فغانسـتان 12 که‌س ده‌کوژرێن

  • VOA News

کاربه‌ده‌سـتانی ئه‌فغانسـتان ده‌ڵێن دوو که‌سی خۆکوژ له‌ نزیک بنکه‌یه‌کی ناتۆ له‌ هه‌رێمی وه‌رداک خۆیان ته‌قاندووه‌ته‌وه‌ و له‌ ئاکامدا 12 که‌س کوژراون و زیاتر له‌ 50 که‌سی دیکه‌ برینداربوون.
گوته‌بێژی فه‌رمانڕه‌وای وه‌رداک ده‌ڵێت هێرشه‌که‌ به‌یانی ئه‌مڕۆ شه‌ممه‌ له‌ ناوچه‌ی سه‌ید ئاباد کراوه‌‌.
ده‌سه‌ڵاتداران ده‌ڵێن خۆکوژی یه‌که‌م به‌ پـیاده‌وه‌ هاتووه‌ته‌ نزیک ده‌روازه‌ی بنکه‌ له‌شـکریـیه‌که‌ و خۆی ته‌قاندووه‌ته‌وه‌ و به‌ دوایدا خۆکوژی دووه‌م به‌ ماشێنێـکی پـڕ ته‌قه‌مه‌نی خۆی داوه‌ به‌ ده‌روازه‌که‌دا و بۆمبه‌کانی ته‌قاندووه‌ته‌وه‌.
کاربه‌ده‌سـتان ده‌ڵێن کوژراوه‌کان هه‌موو خه‌ڵـکی سیڤیل و پـۆلیسی ئه‌فغانین.
تاڵیبان به‌رپـرسیارێتی خۆی له‌ هێرشه‌که‌ ڕاگه‌یاند‌.
له‌ هێرشێـکی جوداشدا له‌ هه‌رێمی غه‌زنی 2 سه‌ربازی ئه‌مه‌ریکایـیش کوژراون.
XS
SM
MD
LG