Accessibility links

چالاکوانانی سوریا ده‌ڵێن فڕۆکه‌یه‌کی جه‌نگیـیان خسـتووه‌ته‌ خوارێ

  • VOA News

چالاکوانانی سوریا ده‌ڵێن ئه‌مڕۆ پـێـنجشه‌ممه‌ له‌ پارێزگای ئدلیبی باکوری وڵات فڕۆکه‌یه‌کی جه‌نگی حکومه‌ت خراوه‌ته‌ خوارێ، ئه‌مه‌ش جاری دووه‌مه‌ له‌ ماوه‌ی هه‌فته‌یه‌کدا باس له‌ خستنی فڕۆکه‌ی جه‌نگی له‌ سوریا بکرێت.
هه‌ردوو کۆمه‌ڵه‌ی چالاکوانان ( کۆمیته‌کانی هه‌ماهه‌نگی خۆجێی و کۆمه‌ڵه‌ی چاودێری مافه‌کانی مرۆڤی سوریا بنکه‌ له‌ بریتانیا) گوتیان پاشـماوه‌ی فڕۆکه‌که‌ له‌ نزیک بنکه‌ی ئاسـمانی ئه‌بو زهور دۆزاوه‌ته‌وه‌.
ڤیدیۆیه‌ک له‌سه‌ر ئنته‌رنێت بڵاوکراوه‌ته‌وه‌ و تیایدا نیشـان ده‌درێت دوو په‌ڕه‌شوت به‌ ئاسـماندا دێنه‌ خواره‌وه‌ و کۆمه‌ڵێـک چه‌کدار به‌ ده‌نگی به‌رز خۆشـحاڵی خۆیان به‌ خستنی فڕۆکه‌یه‌ک ده‌ده‌بڕن و ده‌ڵێن ئه‌وه‌ فڕۆکه‌وانه‌کانن.
XS
SM
MD
LG