Accessibility links

زریانی ئایزگ له‌ که‌ناره‌کانی ئه‌مه‌ریکاوه‌ نزیـک ده‌بێته‌وه‌

  • VOA News

که‌شـناسانی ئه‌مه‌ریکا ده‌ڵێن زریانی ئایزک زۆر به‌ توندی به‌ره‌و که‌نداوی ئه‌مه‌ریکایی که‌وتووه‌ته‌ ڕێ و گه‌یشـتووه‌ته‌ هێزی هێریکه‌ین.
ناوه‌ندی نیشـتیمانی ئه‌مه‌ریکا بۆ چاودێری هێریکه‌ین ده‌ڵێت زریانه‌که‌ زۆر به‌ خاوی دێت، به‌ڵام گێژه‌ڵۆکه‌یه‌کی دروستکردووه‌ که‌ خێرایـیه‌که‌ی 120 کیلۆمه‌تر له‌ کاژمێرێـکدایه‌، به‌وه‌ش ده‌بێته‌ هێریکه‌ینی پـله‌ یه‌ک.
که‌شـناسان پـێشـبینی ده‌که‌ن دره‌نگ کاتێـکی شه‌وی سێشه‌ممه‌ یان زوویه‌کی چوارشه‌ممه‌ بگاته‌ وشـکایـیه‌کانی ئه‌مه‌ریکا.
ڕۆژی سشه‌ممه‌ سه‌رۆک ئۆباما داوای له‌ دانیشـتوان کرد، ئه‌وانه‌ی زریانه‌که‌ به‌ ئاڕاسته‌یاندا دێت به‌ ڕژدی له‌و ئاگاهیـیانه‌ بڕوانن که‌ له‌ لایه‌ن کاربه‌ده‌سـتانی ویلایه‌ت و شـاره‌کانیانه‌وه‌ ده‌رده‌چن، به‌ تایبه‌تی ئه‌گه‌ر هاتوو و داوایان لێـکردن ناوچه‌کانیان چۆڵ بکه‌ن.
XS
SM
MD
LG