Accessibility links

هه‌لێـکۆپـته‌رێـکی حکومه‌تی سوریا به‌سه‌ر دیمه‌شقی پایته‌خت ده‌که‌وێته‌ خواره‌وه‌

  • VOA News

سه‌رهه‌ڵـداوانی سوریا ده‌ڵێن ئه‌مڕۆ له‌ میانه‌ی شه‌ڕێـکی سه‌ختدا له‌گه‌ڵ هێزه‌کانی حکومه‌ت هه‌لێـکۆپته‌رێـکی له‌شـکریـیان خستووه‌ته‌ خوارێ.
ڤیدیۆیه‌ک که‌ له‌سه‌ر ئنته‌رنێت بڵاوکراوه‌ته‌ نیشـانی ده‌دات هه‌لیکۆپـته‌رێـک به‌ ئاسـمانه‌وه‌ گڕده‌گرێت و ده‌که‌وێته‌ خواره‌وه‌. هیچ سه‌رچاوه‌یه‌کی سه‌ربه‌خۆی ڤیدیۆکه‌ی پشـتڕاست نه‌کردووه‌ته‌وه‌.
ته‌له‌فیزیۆنی حکومه‌تی سوریا هه‌واڵی که‌وتنی فڕۆکه‌که‌ی ڕاگه‌یاند‌، به‌ڵام هیچ زانیاری زیاتری له‌و باره‌یه‌و نه‌دا.
چالاکوانێـک له‌ شوێنێـکی نزیک له‌ که‌وتنی هه‌لیـکۆپـته‌ره‌که‌ له‌ گه‌ڕه‌کی قابون به‌ ئاژانسی ده‌نگ‌وباسی ڕۆیته‌رزی گوت‌ له‌وه‌تای به‌یانیـیه‌وه‌ ئه‌و هه‌لێـکۆپـته‌ره‌ به‌سه‌ر به‌شی ڕۆژهه‌ڵاتی شـاره‌که‌دا ده‌سوڕایه‌وه‌ و ته‌قه‌ی ده‌کرد، به‌ڵام دواتر سه‌رهه‌ڵـداوان لێـیان دا و به‌ریاندایه‌ خواره‌وه‌.
XS
SM
MD
LG