Accessibility links

ئۆپـۆزسیۆنی سوریا: هێزه‌کانی حکومه‌ت خۆیان به‌ ناوچه‌ی داریای دیمه‌شقدا ده‌که‌نه‌وه‌

  • VOA News

سه‌رچاوه‌ هه‌واڵیـیه‌کان له‌ ئۆپـۆزسیۆنی سوریا ده‌ڵێن هێزه‌کانی حکومه‌ت به‌ پاڵپـشـتی تانکه‌وه‌ ئه‌مڕۆ پـێـنجشه‌ممه‌ خۆیان به‌ ناوچه‌ی داریای دیمه‌شقی پایته‌خت کردووه‌ته‌وه‌، ئه‌مه‌ش پاش ئه‌وه‌ی بۆ ماوه‌ی 24 کاژمێر به‌ تانک و هه‌لێـکۆپـته‌ر بۆردمان کردبوو.
هێزه‌کانی حکومه‌ت هیچ ڕووبه‌ڕووی به‌رگریـیه‌کی به‌رچاو نه‌بوونه‌ته‌وه‌ که‌ پـێده‌چێت زۆربه‌ی سه‌رهه‌ڵـداوان له‌وێ‌ کشـابنه‌وه‌. هه‌روه‌ها ده‌ڵێن که‌وتوونه‌ته‌ پـشـکنینی ماڵه‌کان و ڕه‌شبگیری خه‌ڵـکه‌که‌.
ده‌شڵێن له‌ ئاکامی بۆرده‌مانه‌کان به‌ لایه‌نی که‌م 15 که‌س کوژراون و 150 که‌سی دیکه‌ برینداربوون.
جێی ئاماژه‌یه‌ ناوچه‌ی داریا ده‌که‌وێته‌ باشوری ڕۆژئاوای دیمه‌شق و زۆربه‌ی دانیشـتوانه‌که‌ی سووننه‌ ئاینزان.
چالاکوانان ده‌ڵێن له‌شـکر له‌ بنکه‌یه‌کی پاسه‌وانانی کۆماری له‌سه‌ر به‌رزایـیه‌ک له‌ نزیک کۆشـکی کۆماری که‌وتوونه‌ته‌ بۆردومانکردنی چه‌ند به‌شێـکی ناوچه‌ی قاسیون.
XS
SM
MD
LG