Accessibility links

تورکیا لێـکۆڵینه‌وه‌ ده‌کات له‌ شیانی ده‌ست‌هه‌بوونی سوریا له‌ ته‌قینه‌وه‌که‌ی ئه‌نتابدا

  • VOA News

تورکیا ده‌ڵێت لێـکۆڵینه‌وه‌ ده‌کات بۆ ئه‌وه‌ی بزانێت سوریا ده‌سـتی هه‌بووه‌ له‌ ته‌قینه‌وه‌که‌ی دوێنێ دووشه‌ممه‌ی شـاری ئه‌نتاب، ئه‌وه‌ی بووه‌ مایه‌ی کوژرانی 9 که‌س.
ئه‌حمه‌د داوود ئۆغڵو وه‌زیری ده‌ره‌وه‌ی تورکیا ڕایگه‌یاند که‌وا ده‌سـتکراوه‌ به‌ لێـکۆڵینه‌وه‌ له‌ شیانی ده‌سـت‌هه‌بوونی سوریا له‌ ته‌قینه‌وه‌که‌دا، به‌ڵام هه‌تا ئێسـتا هیچ به‌ڵـگه‌یه‌کی کۆنکرێتی نیـیه‌.
هه‌روه‌ها شامیل ته‌یار ئه‌ندام په‌رله‌مانی سه‌ر به‌ پارتی ئاکه‌په‌ی ده‌سه‌ڵاتدار به‌ په‌یامنێرانی گوتووه‌ هێرشه‌که‌ به‌ هاوکاری موخابه‌راتی سوریا و په‌که‌که‌ پـلانی بۆ دانراوه‌، ئه‌وه‌ش به‌ مه‌به‌ستی گه‌یاندنێـکی په‌یامێـک له‌سه‌ر سیاسه‌تی ده‌ره‌وه‌ی تورکیا.
له‌ لایه‌کی دیکه‌ ئاژانسی ده‌نگ‌وباسی فورات به‌یانـنامه‌یه‌کی پارتی کرێـکارانی کوردسـتانی بڵاوکردۆته‌وه‌ که‌ تیایدا په‌که‌که‌ ڕه‌تی ده‌کاته‌وه‌‌ ده‌سـتی له‌و ته‌قینه‌وه‌یه‌دا هه‌بێت.
XS
SM
MD
LG