Accessibility links

دکتۆر سامان فه‌وزی: پێویسته‌ حکومه‌تی عێراق ئاینده‌ی خۆی ببه‌ستێته‌وه‌ به‌ وڵاتانی دیموکراسیه‌وه‌

  • Balen Salih

دکتۆر سامان فه‌وزی

دکتۆر سامان فه‌وزی

به‌پێی ڕاپۆرتێکی رۆژنامه‌ی نیۆیۆرک تایمز عێراق یارمه‌تی کۆماری ئیسلامی ئێران ده‌دات تا له‌ کاریگه‌ریه‌کانی ئه‌و سزا ئابوریانه‌ی سه‌پێندراونه‌ته‌ سه‌ر تاران که‌م بکاته‌وه.
به‌پێی ئه‌و ڕاپۆرته‌ی نیۆیۆرک تایمز به‌غدا تۆڕێکی دامه‌زراوی دارایی و قاچاغچێتی نه‌وت به‌کارده‌هێنێت تا له‌ کاریگه‌ریه‌کانی ئه‌و سزا ئابوریانه‌ ده‌ربازی بکات که‌ به‌هۆی به‌رنامه‌ ناوکیه‌ مشت و مڕ له‌سه‌ره‌که‌ی تارانه‌وه‌ له‌لایه‌ن کۆمه‌ڵگای نێونه‌ته‌وه‌ییه‌وه سه‌پێندراونه‌ته‌ سه‌ر کۆماری ئیسلامی ئێران.
دکتۆر سامان فه‌وزی، ئه‌ندامی په‌رله‌مانی عێراق له‌سه‌ر لیستی کوردستانی ده‌ڵێت له‌ ڕووی یاسای نێونه‌ته‌وه‌ییه‌وه‌ ئه‌وه‌ی حکومه‌تی عێراق ده‌یکات کارێکی نه‌گونجاوه‌ و پێویسته‌ عێراق سه‌روه‌ری خۆی بپارێزێت.
له‌ میانه‌ی وتووێژه‌که‌یدا له‌گه‌ڵ به‌ڵێن ساڵح ، دکتۆر سامان فه‌وزی ده‌شڵێت خۆبه‌ستنه‌وه‌ی عیراق به‌ وڵاتێکی وه‌ک ئێرانه‌وه‌ زیان له‌ ئاینده‌ی ده‌دات و به‌رژه‌وه‌ندی درێژخایه‌نی عێراق له‌وه‌دایه‌ یارمه‌تی کۆمه‌ڵگای نێونه‌ته‌وه‌یی بدات بۆ جێبه‌جێکردنی بڕیاره‌کان.
زانیاری زیاتر له‌ ده‌قی وتووێژه‌که‌دایه‌:
XS
SM
MD
LG