Accessibility links

سه‌رۆکی سوریا و نوێژی جه‌ژنی ئه‌مسـاڵی

  • VOA News

به‌شار ئه‌سه‌د سه‌رۆکی سوریا به‌یانی ئه‌مڕۆ یه‌کشه‌ممه‌ به‌ جیاواز له‌ نه‌ریتی خۆی که‌ نوێژی جه‌ژن له‌ مزگه‌وتی ئه‌مه‌وی ده‌کات له‌ مزگه‌وتی ئه‌لحه‌مدی ناوچه‌ی موهاجرین ئه‌نجام دا.
که‌ناڵی ته‌له‌فیزیۆنی حکومه‌تی سوریا نوێژه‌که‌ی په‌خش کرد و نیشـانی دا به‌شـار ئه‌سه‌د له‌گه‌ڵ کۆمه‌ڵێـک کاربه‌ده‌سـتی باڵای حکومه‌ته‌که‌ی پـێکه‌وه‌ نوێژ ده‌که‌ن، به‌ڵام ئه‌وه‌ی جێگای سه‌رنج بوو، جێـگری سه‌رۆک کۆمار فاروق ئه‌لشه‌رع له‌وێ ئاماده‌ نه‌بوو، ئه‌مه‌ش بۆخۆی ئه‌و گومانانه‌ زیاتر ده‌کات که‌ شتێـکی نائاسایی له‌گه‌ڵ شه‌رعدا هه‌بێت.
هه‌روه‌ها ماوه‌ی نوێژ و وتاری خه‌تیبه‌که‌ به‌ هه‌موو نه‌گه‌یشـتووه‌ته‌ 15 خوله‌ک.
به‌پـێی هه‌واڵه‌کان له‌ شه‌وی ڕابردووه‌وه‌ ده‌وربه‌ری مزگه‌وته‌که‌‌ به‌ هێزی ئاسایش و پاسه‌وانانی کۆماری گیراوه‌ و هه‌موو ئۆتۆمبیل و ماشێنه‌کانی له‌سه‌ر ئه‌و ڕێـگایانه‌ی به‌ره‌و مزگه‌وته‌که‌ ده‌چن لابراون.
XS
SM
MD
LG