Accessibility links

بانی کی مون سه‌رزه‌نشتی لێـدوانه‌کانی ئێران له‌ دژی ئیسرائیل ده‌کات

  • VOA News

مارتن نێسیرکی گوته‌بێژی بان کی مون سـکرتێری گشـتی نه‌ته‌وه‌ یه‌کگرتووه‌کان ئه‌مڕۆ شه‌ممه‌ له‌ به‌یانـنامه‌یه‌کدا ڕایگه‌یاند که‌وا سکرتێری گشـتی زۆر بێزاربووه‌ له‌ لێـدوانه‌کانی ئه‌م دوایـیه‌ی ڕابه‌ری باڵای ئێران ئایه‌توڵـڵا عه‌لی خامه‌نه‌ئی و سه‌رۆکی ئێران مه‌حمود ئه‌حمه‌دی نه‌ژاد.
مارتن نێسیرکی گوتیشی به‌ڕێز بان به‌ توندی ئه‌م جۆره‌ لێـدوانه‌ دوژمن‌ئامێزانه‌ سه‌رزه‌نشت ده‌کات، چونکه‌ به‌پـێی به‌ڵگه‌نامه‌ی نه‌ته‌وه‌ یه‌کگرتووه‌کان نابێت هیچ ئه‌ندامێـک به‌و شێوه‌یه‌ له‌ به‌رامبه‌ر ئه‌ندامێـکی تر‌ لێـدوان بدات.
جێی ئاماژه‌یه‌ هه‌فته‌ی ڕابردوو خامه‌نه‌ئی و ئه‌حمه‌دی نه‌ژاد له‌ لێـدوانه‌کانیاندا زۆر به‌ توندی هێرشیان کرده‌ سه‌ر ئیسرائیل و به‌ لوویه‌کی شێرپه‌نجه‌یان ناوزه‌دکرد که‌ به‌م زووانه‌ نامێنێت.
XS
SM
MD
LG