Accessibility links

ئێران کۆمه‌کی بیانی بۆ قوربانیانی هه‌ردوو بومه‌له‌رزه‌که‌ قبوڵ ده‌کات

  • VOA News

ئێران ده‌ڵێت له‌ ئێسـتادا ئاماده‌یه‌ یارمه‌تی بیانی بۆ قوربانیانیـیانی دوو بومه‌له‌رزه‌ به‌هێزه‌که‌ی ڕۆژی شه‌ممه‌ له‌ باکوری خۆرئاوای وڵاکه‌ی قبوڵ بکات.
ئاژانسی فه‌رمی IRNA له‌سه‌ر زاری جێـگری سه‌رۆک محه‌مه‌د ڕه‌زا ڕه‌حیمی بڵاوی کرده‌وه‌‌ که‌ ئێران ئاماده‌یه‌ یارمه‌تی له‌ وڵاتانی دیکه‌ وه‌ربگرێت.
ئێران پـێشـتر پـێشـنیاره‌کانی بۆ یارمه‌تی له‌ وڵاته‌ یه‌کگرتووه‌کانی ئه‌مه‌ریکا و ئه‌ڵمانیا و تورکیا و وڵاتانی دیکه‌ ڕه‌تکرده‌وه‌. خاچی سووری ئێرانی گوتبووی وڵاته‌که‌ پـێویستی به‌ یارمه‌تی بیانی نیـیه‌ و ده‌کرێت ته‌نها به‌ خۆی مامه‌ڵه‌ له‌گه‌ڵ کاره‌سـاته‌که‌دا بکات.
له‌ ڕۆژی دووشه‌ممه‌ ئێران ڕایگه‌یاند ژماره‌ی قوربانیانی ئاکامی هه‌ردوو بومه‌له‌رزه‌که‌ گه‌یشـتووه‌ته‌ زیاتر له‌ 300 کوژراو و برینداربوونی به‌ لایه‌نی که‌م 3 هه‌زار که‌س.
خاچی سووری ئێرانی مه‌زه‌نده‌ ده‌کات 180 گوند زیانیان پـێـگه‌یشتبێت که‌ ژماره‌یه‌کیان له‌ نزیک شـاری ته‌پـریزن و به‌ ته‌واوی ته‌ختی زه‌وی بوون.
XS
SM
MD
LG