Accessibility links

فڕۆکه‌یه‌کی جه‌نگی سوریا ده‌که‌وێته‌ خوارێ

  • VOA News

سه‌رهه‌ڵـداوانی سوریا ده‌ڵێن ئه‌مڕۆ دووشه‌ممه‌ له‌ ناوچه‌ی مو حه‌سه‌نی دێر ئه‌زور له‌ ڕۆژهه‌ڵاتی وڵاته‌که‌ فڕۆکه‌یه‌کی جه‌نگی جۆری میگی 23 یان خستووه‌ته‌ خوارێ.
ماڵپه‌ڕی لیژنه‌کانی هه‌ماهه‌نگی خۆجێی ئۆپـۆزسیۆنی سوریا هه‌واڵه‌که‌ی بڵاوکرده‌وه‌ و ڕایگه‌یاند که‌وا فڕۆکه‌که‌ له‌ لایه‌ن له‌شـکری سوریای ئازاده‌وه‌ خراوه‌ته‌ خوارێ و هه‌روه‌ها فڕۆکه‌وانه‌که‌یان ده‌سـتگیرکردووه‌.
ماڵپه‌ڕه‌که‌ هه‌روه‌ها ڤیدیۆیه‌کی بڵاوکردۆته‌وه‌ که‌ تیایدا نیشـان ده‌درێت فڕۆکه‌یه‌ک به‌ ئاسمانه‌وه‌ ئاگری تـێبه‌رده‌بێت و ده‌که‌وێته‌ خواره‌وه‌.
لای خۆیه‌وه‌ ته‌له‌فیزیۆنی فه‌رمی حکومه‌تی سوریا گوتی فڕۆکه‌یه‌کی جه‌نگیـیان‌‌ به‌هۆی کێشه‌یه‌کی ته‌کنیکیـیه‌وه‌ له‌ ڕۆژهه‌ڵاتی وڵاته‌که‌ که‌وتووه‌ته‌ خوارێ.
XS
SM
MD
LG