Accessibility links

قوربانیـیانی دوو بومه‌له‌رزه‌ به‌هێزه‌که‌ی ئێران گه‌یشته‌ 250 که‌س

  • VOA News

ئه‌مڕۆ شه‌ممه‌ دوو بومه‌له‌رزه‌ی به‌هێز له‌ نزیـک شـاری ته‌بریزی باکوری ڕۆژئاوای ئێرانی دا و له‌ ئاکامدا به‌ لایه‌نی که‌م 250 که‌س گیانیان له‌ده‌سـتداوه‌ و زیاتر له‌ 2600 که‌سی دیکه‌ برینداربوون.
بومه‌له‌رزه‌که‌ی یه‌که‌م گوڕه‌که‌ی 6.4 پـله‌ به‌ پـێوه‌ری ڕێخته‌ر له‌ قوڵایی نزیکه‌ی 10 کیلۆمه‌تر و له‌ دوری 37 کیلۆمه‌تر له‌ باکوری ڕۆژهه‌ڵاتی شـاری ته‌بریز بوو. پاش 11 خوله‌ک بومه‌له‌رزه‌ی دووه‌م ڕوویدا‌ که‌ گوڕه‌که‌ی 6.3 پـله‌ بوو و له‌ هه‌مان قوڵایی ئه‌وه‌ی یه‌که‌م، به‌ڵام له‌ دوری 49 کیلۆمه‌تر له‌ باکوری ڕۆژهه‌ڵاتی شـاره‌که‌.
ده‌یان بومه‌له‌رزه‌ی بچوکی دیکه‌ له‌ ناوچه‌که‌ بوونه‌ته‌وه‌. هه‌روه‌ها نزیکه‌ی 210 که‌س له‌ ژێر داروپه‌ردوی بینا داڕماوه‌کاندا گیریان خواردووه‌.
هه‌واڵیش هه‌ن ده‌ڵێن 4 گوند به‌ ته‌واوی وێران بوون و به‌ ده‌یان گوندی دیکه‌ لایه‌کیان ته‌ختی زه‌وی بووه‌.
XS
SM
MD
LG