Accessibility links

ئه‌مه‌ریکا و تورکیا به‌رنامه‌ی هاوکاری نێوانیان داده‌ڕێژن له‌ به‌رامبه‌ر پـێشـهاته‌کانی قه‌یرانی سوریا

  • VOA News

وڵاته‌ یه‌کگرتووه‌کانی ئه‌مه‌ریکا و تورکیا گرووپێـکی هاوکاری داده‌مه‌زرێنن به‌ مه‌به‌ستی داڕشـتنی نه‌خشه‌ بۆ ڕووبه‌ڕووبوونه‌وه‌ی هه‌ر سیناریۆیه‌ک که‌ شیانی هه‌بێت له‌ سوریا ڕووبدات، له‌وانه‌ هێرش به‌ چه‌کی کیمیاوی.
ئه‌مڕۆ شه‌ممه‌ وه‌زیری ده‌ره‌وه‌ی ئه‌مه‌ریکا هێله‌ری کلنتن و هاوتا تورکه‌که‌ی ئه‌حمه‌د داوود ئۆغڵو پـێـکه‌وه‌ ئه‌مه‌یان ڕاگه‌یاند.
گوتیشیان ئه‌و گرووپه‌ هه‌ڵده‌سـتێت به‌ هه‌ماهه‌نگیکردن له‌ نێوان هه‌ردوو وڵات له‌ بواره‌کانی له‌شـکری و سیخوڕی و سیاسی له‌و ده‌مه‌ی ڕه‌وشی ناو سوریا هه‌روا دێت و خراپـتر ده‌بێت.
جێی ئاماژه‌یه‌ زوویه‌کی ئه‌مڕۆ شه‌ممه‌ خانم کلنتن گه‌یشـته‌ ئسته‌نبوڵ پاش گه‌شـتێـکی 11 ڕۆژی بۆ 9 وڵاتی ئافریکا.
XS
SM
MD
LG