Accessibility links

له‌ ئێواره‌خوانێـکدا له‌ ئه‌فغانسـتان 3 سه‌ربازی ئه‌مه‌ریکایی ده‌کوژرێن

  • VOA News

به‌رپرسـانی ئه‌فغانی ده‌ڵێن فه‌رمانده‌یه‌کی هێزی پـۆلیسی وڵاته‌که‌یان ته‌قه‌ی له‌ 3 سه‌ربازی ئه‌مه‌ریکایی کردووه‌ و کوشـتوونی، ئه‌مه‌ش دوای ئه‌وه‌ی ئه‌و فه‌رمانده‌یه‌ له‌ بازگه‌یه‌کی پـشـکنین له‌ هه‌رێمی باشوری ئه‌فغانسـتان ئه‌و سێ سه‌ربازه‌ی بۆ ئێواره‌خوانێـک بانگ کردبوو.
له‌شکری وڵاته‌ یه‌کگرتووه‌کانی ئه‌مه‌ریکا ئه‌وه‌ی پـشـتڕاستکرد که‌ پـیاوێـک به‌ جلوبه‌رگی پـۆلیسی ئه‌فغانیـیه‌وه‌ ئێواره‌ی دوێنێ پـێـنجشه‌ممه‌ ئه‌و سێ سه‌ربازه‌ ئه‌مه‌ریکایـیه‌ی له‌ ناوچه‌ی سه‌نگینی سه‌ر به‌ پارێزگای هێلمه‌ند کوشتووه‌.
هاوکات ده‌سه‌ڵاتدارانی ئه‌فغانی ده‌ڵێن فه‌رمانده‌ ئه‌فغانیـیه‌که‌ له‌ پاش ته‌قه‌کردنه‌که‌ له‌ شوێنی ڕووداوه‌که‌ هه‌ڵهاتووه‌.
قادر یوسف ئه‌حمه‌دی گوته‌بێژی چه‌کدارانی تاڵیبان گوتی ئه‌و فه‌رمانده‌ی پـۆلیسه‌ ناوی ئه‌سه‌دوڵـڵایه‌ و له‌ دوای هێرشه‌که‌ په‌یوه‌ندی پـێوه‌ کردوون.
XS
SM
MD
LG