Accessibility links

له‌ چه‌ند هێرشێـکدا له‌ عێراق 8 که‌س ده‌کوژرێن

  • VOA News

کاربه‌ده‌سـتانی عێراق ده‌ڵێن ئه‌مڕۆ هه‌ینی له‌ گوندی شه‌بابی سه‌ر به‌ شـارۆچکه‌ی دجێلی باکوری به‌غدای پایته‌خت کۆمه‌ڵێـک چه‌کدار هێرشیان کردووه‌ته‌ سه‌ر خاڵێـکی پـشـکنینی هێزه‌کانی سه‌حوه‌ و له‌ ئاکامدا 4 له‌ پاسه‌وانه‌کان کوژراون.
له‌ لایه‌کی دیکه‌ له‌ شـارۆچکه‌ی موقدادیـیه‌ی پارێزگای دیاله‌ بۆمبێـکی لاڕێ به‌ هێزێـکی گه‌ڕۆکی پـۆلیسدا ته‌قیوه‌ته‌وه‌ و سه‌رئه‌نجام 3 پـۆلیس کوژراون و 2 ی دیکه‌ برینداربوون.
له‌ ڕۆژئاوای عێراقیش و له‌ گوندی بروانه‌ی نزیـک شـاری ڕومادی، ئه‌ندامی ئه‌نجومه‌نی شـارۆچکه‌ی حه‌دیسه‌ (نه‌بیل شـاکر) کوژراوه‌ و هه‌روه‌ها دوو برای برینداربوون، کاتێـک کۆمه‌ڵێـک چه‌کدار ته‌قه‌یان له‌ ئۆتۆمبیله‌که‌یان کردبوو.
XS
SM
MD
LG