Accessibility links

ئێران کۆنگره‌یه‌کی نێوده‌وڵه‌تی بۆ قه‌یرانی سوریا سـازده‌کات


ئێران ئه‌مڕۆ پـێـنجشه‌ممه‌ له‌ تاران کۆنگره‌یه‌کی نێوده‌وڵه‌تی سـازکرد بۆ وتووێژکردن سه‌باره‌ت به‌ قه‌یارنی ناو سوریا.
ته‌له‌فیزیۆنی حکومه‌تی ئێران نوێنه‌رانی نزیکه‌ی 30 وڵاتی نیشـان دا که‌ له‌ کۆنگره‌که‌دا به‌شـداریـیان کردبوو، له‌وانه‌ عێراق و ئوردن و ڕووسیا و چین و ئه‌فغانسـتان و پاکسـتان و هندسـتان له‌گه‌ڵ ژماره‌یه‌ک له‌ وڵاتانی ئه‌مه‌ریکای لاتین.
سه‌ره‌تا وه‌زیری ده‌ره‌وه‌ی ئێران عه‌لی ئه‌کبه‌ر سـاڵحی کۆنگره‌که‌ی کرده‌وه‌ و گوتی وڵاته‌که‌ی باوه‌ڕی ته‌واوی به‌وه‌یه‌ قه‌یرانی سوریا به‌بێ وتووێژی ڕژد و گشـتگیر له‌ نێوان حکومه‌تی سوریا و کۆمه‌ڵه‌کانی ئۆپـۆزسیۆن چاره‌سه‌ر ناکرێت. گوتیشی ئێران سـاڵێـک له‌مه‌وبه‌ر په‌یوه‌ندی له‌گه‌ڵ ژماره‌یه‌ک له‌ ئۆپـۆزسیۆنی سوریادا کردووه‌. هه‌وروه‌ها ئاماده‌یی وڵاته‌که‌شی ده‌ربڕی بۆ میوانداریکردنی ئه‌و وتووێژانه‌.
سـاڵحی له‌ درێژه‌ی وتاره‌که‌یدا ناڕه‌زایی وڵاته‌که‌ی ده‌ربڕی به‌رامبه‌ر هه‌ر هه‌وڵێـک بۆ ده‌سـتێوه‌ردانی له‌شـکری له‌ سوریا.
XS
SM
MD
LG