Accessibility links

هێله‌ری کلنتن به‌ سه‌ردانێکی کورت ده‌گاته‌ نایجیریا


ئه‌م سه‌ردانه‌ی هێله‌ری کلنتن بۆ ئابوجا هاوکاته‌ له‌گه‌ڵ ئه‌و داوایانه‌ی له‌ سه‌رۆکی نایجیریا ده‌کرێن بۆ چاره‌سه‌رکردنی توندوتیژیه‌ تایفه‌ییه‌کان له‌ وڵاته‌که‌یدا.
زۆربه‌ی دانیشتوانی باکوری نایجیریا موسڵمانن و هه‌رچی باشوریشه‌ زۆربه‌یان کریسچیانن.
ڕێکخراوی چاودێری مافه‌کانی مرۆڤ، بنکه‌ له‌ ئه‌مریکا ده‌ڵێت پێویسته‌ خانم کلنتن هانی سه‌رۆکی نایجیریا بدات تا کۆنترۆڵی ئه‌و توند و تیژیانه‌ بکات که‌ له‌لایه‌ن ڕێکخراوی میلیشیایی(بۆکۆ حه‌رام)ه‌وه‌ ئه‌نجام ده‌درێن و هه‌روه‌هاش کۆتایی هێنان به‌و پێشێلکاری و گه‌نده‌ڵیانه‌ی هێزه‌ ئاسایشیه‌کانی وڵاته‌که‌ ئه‌نجامی ده‌ده‌ن.
وڵاته‌ یه‌کگرتووه‌کانی ئه‌مریکا 3 له‌ ڕێبه‌رانی بۆکۆ حه‌رامی به‌ تێرۆریست ناودێر کردووه‌.
دره‌نگانێکی ئه‌مڕۆ 5 شه‌ممه‌، هێله‌ری کلنتن وه‌زیری ده‌ره‌وه‌ی وڵاته‌ یه‌کگرتووه‌کانی ئه‌مریکا سه‌ردانی وڵاتی گانا ده‌کات و له‌وێش له‌گه‌ڵ جۆن ماهاما سه‌رۆکی وڵاته‌که‌دا کۆده‌بێته‌وه‌.
XS
SM
MD
LG