Accessibility links

حکومه‌تی سوریا ده‌ڵێت گه‌ڕه‌کی سه‌ڵاحه‌دینی حه‌له‌بی گرتووه‌ته‌وه‌ و ئۆپـۆزسیۆنیش ڕه‌تی‌ده‌کاته‌وه‌

  • VOA News

ئاژانسی ده‌نگ‌وباسی حکومه‌تی سوریا ده‌ڵێت هێزه‌کانیان‌ ئه‌مڕۆ چوارشه‌ممه‌ به‌ ته‌واوی ده‌سـتیان گرتووه‌ته‌وه‌ به‌سه‌ر گه‌ڕه‌کی سه‌ڵاحه‌دینی شـاری حه‌له‌بدا.
له‌ لایه‌کی دیکه‌وه‌ عه‌بدول جه‌بار عگێدی فه‌رمانده‌ی هێزه‌کانی له‌شـکری سوریای ئازاد له‌ حه‌له‌ب گوتی ڕاسته‌ هێرشه‌که‌ی حکومه‌ت توند و دڕندانه‌یه‌، به‌ڵام هێشـتا کۆنتڕۆڵی گه‌ڕه‌که‌یان نه‌کردووه‌.
هه‌روه‌ها فه‌رمانده‌ی هێزی نور ئه‌لحه‌قی له‌شکری ئازاد (واسڵ ئه‌یوب) له‌ حه‌له‌به‌وه‌ به‌ ته‌له‌فون به‌ ئاژانسی فڕانس پـرێسی گوتووه‌ هێزه‌کانی حکومه‌ت به‌ تانک و زرێپـۆش خۆیان به‌ گه‌ڕه‌کی سه‌ڵاحه‌دیندا کردووه‌ له‌ دیوی شه‌قامی مه‌لعه‌ب که‌ ده‌که‌وێته‌ ڕۆژئاوای شـاره‌که‌وه‌. گوتیشی سه‌رهه‌ڵـداوان له‌وێ نه‌کشـاونه‌ته‌وه‌ و هێزه‌کانی حکومه‌ت ته‌نها له‌ ناوچه‌یه‌کن که‌ که‌متره‌ له‌ 15% گه‌ڕه‌که‌که‌.
پـێشـتر سه‌رچاوه‌یه‌کی ئاسایشی له‌ دیمه‌شق به‌ هه‌مان ئاژانسی گوتبوو له‌شـکر پـێشـڕه‌وی کردووه‌ به‌ مه‌به‌ستی دابه‌شـکردنی گه‌ڕه‌کی سه‌ڵاحه‌دین بۆ دوو که‌رته‌وه‌، وه‌ پـێشـبینی کردووه‌ له‌ ماوه‌یه‌کی کورتدا ده‌ستی به‌سه‌ردا بگیرێته‌وه‌.
XS
SM
MD
LG