Accessibility links

وه‌زیری به‌رگری ئه‌فغانسـتان ده‌ست له‌کارکێشـانه‌وه‌ی خۆی ڕاده‌گه‌یه‌نێت

  • VOA News

وه‌زیری به‌رگری ئه‌فغانسـتان عه‌بدولڕه‌حیم وه‌رده‌ک ده‌ست له‌کارکێشـانه‌وه‌ی خۆی له‌ پـۆسته‌که‌ی ڕاگه‌یاند، ئه‌مه‌ش پاش ئه‌وه‌ی په‌رله‌مانی وڵاته‌که‌ی ده‌نگی دا بۆ لابردنی له‌ کاره‌که‌ی به‌هۆی شێوازی مامه‌ڵه‌کردنی له‌گه‌ڵ مه‌سه‌له‌ ئاسایشـیـیه‌کاندا.
ئه‌مڕۆ سێشه‌ممه‌ وه‌رده‌ک له‌ کۆنگره‌یه‌کی ڕۆژنامه‌وانیدا له‌ کابول به‌ په‌یامنێرانی گوت" پـێشـتر دوو جار ڕێزم له‌ بڕیاری په‌رله‌مان گرت بۆ دامه‌زراندنم له‌ پـۆستی وه‌زیری به‌رگری، ئێسـتاش ڕێز ده‌گرم له‌ بڕیاری په‌رله‌مان بۆ لابردنم له‌ کاره‌که‌م و ده‌سـت له‌ کارکێشـانه‌وه‌ی خۆم ڕاده‌گه‌یه‌نم."
جێی ئاماژه‌یه‌ ڕۆژی شه‌ممه‌ په‌رله‌مانی ئه‌فغانسـتان بڕیاری دا هه‌ردوو وه‌زیری به‌رگری و ناوخۆ له‌ پـۆسته‌کانیان لابدرێن به‌هۆی شـکسـتهێنانیان له‌ پاراسـتنی ئاسایشی وڵاته‌که‌ وه‌ک پـێویست.
هه‌ره‌چه‌نده‌ وه‌رده‌ک له‌ نائارامیـیه‌کانی ناو ئه‌فغانسـتان به‌رپـرسیارکراوه‌، به‌ڵام دیپـلۆماتانی ڕۆژئاوایی ده‌ڵێن ڕۆڵێـکی گرنگی بینیوه‌ له‌ به‌هێزکردنی له‌شـکری ئه‌فغانی له‌ به‌رامبه‌ر یاخیبوواندا.
XS
SM
MD
LG