Accessibility links

ئێران ده‌ڵێت موشه‌کێـکی تاقیکردووه‌ته‌وه‌ که‌ ئامێری ئاڕاسته‌کردنی تێدایه‌


ئێران ده‌ڵێت موشه‌کێـکی مه‌ودا کورتی به‌ سه‌رکه‌وتووانه‌ تاقی کردووه‌ته‌وه‌ که‌ ئامێری سسته‌می ئاڕاسته‌کردنی تێدایه‌ و ده‌توانێت به‌ وردی نیشـانه‌کانی بـپـێـکێت.
ئه‌مڕۆ شه‌ممه‌ وه‌زیری به‌رگری ئێران ئه‌حمه‌د وه‌حیدی ئه‌مه‌ی ڕایگه‌یاند و گوتی به‌رنامه‌یان هه‌یه‌ ئه‌م سـسته‌مه‌ نوێـیه‌ی ئاڕاسته‌کردنه‌ له‌ هه‌موو موشه‌که‌کانیاندا له‌ ئاینده‌ دابنێن که‌ وه‌ها ده‌کات به‌ سانایی له‌ نیشـانه‌کان بدرێن له‌سه‌ر زه‌وی و له‌ ناو ده‌ریادا.
وه‌حیدی گوتیشی موشه‌که‌که‌ی تاقی کراوه‌ته‌ نوێکراوه‌ی چواره‌می موشه‌کی فاتح- 110 یه‌ که‌ مه‌وداکه‌ی 300 کیلۆمه‌تره‌ و ده‌توانێت له‌ شوێنه‌کانی کۆبوونه‌وه‌ی هێزه‌کانی دوژمن بدات و هه‌روه‌ها له‌ ناوه‌نده‌کانی فه‌رمانده‌یه‌تی و سه‌کۆکانی موشه‌ک و ڕادار و عه‌مباره‌کانی چه‌ک و ته‌قه‌مه‌نی.
XS
SM
MD
LG