Accessibility links

ڕێژه‌ی بێکاری له‌ ئه‌مه‌ریکا هێشـتا به‌رزه‌

  • VOA News

ئاماری راپۆرتی وه‌زاره‌تی کاری وڵاته‌ یه‌کگرتووه‌کانی ئه‌مریکا ئه‌وه‌ ده‌رده‌خات که‌ خاوه‌ن کارو پـیشه‌کان له‌ ئه‌مریکادا ته‌نها 100 هه‌زار کاری نوێـیان له‌ مانگی ڕابردوودا بۆ وڵات خولقاندووه‌.
هه‌روه‌ها پیشبین کرابوو که‌ راپۆرته‌که‌ی ئه‌مڕۆی وه‌زاره‌تی کاروپێشه‌ی وڵاته‌ یه‌کگرتووه‌کانی ئه‌مریکا ڕێژه‌ی بێکاری له‌ وڵاتدا له‌ سه‌دا 8.2 ، که‌ ئه‌مه‌ 3 مانگی یه‌ک له‌ دوای یه‌که‌ ئه‌م ڕێژه‌یه‌ چه‌سپیو نه‌گۆڕ بووه‌.
ئه‌وه‌ی جێی ئاماژه‌یه‌ هه‌ر له‌ سه‌ره‌تای ئه‌م ساڵه‌وه‌ به‌کرێگرتنی کریکاران له‌ وڵاته‌ یه‌کگرتووه‌کانی ئه‌مریکادا به‌ ئه‌ندازه‌یه‌کی به‌رچاو که‌مبووه‌ته‌وه‌ و له‌ مانگی یه‌که‌وه‌ هه‌تا مانگی سێی ئه‌مساڵ مانگانه‌ پتر له‌ 200 هه‌زار که‌س به‌کرێ گیراون، هه‌روه‌ها له‌ نێوان مانگی 4 هه‌تا مانگی 6 ی ئه‌مساڵ مانگانه‌ 75 هه‌زار کرێکار بۆ کارکردن به‌کرێ گیرابوون.
کێشه‌ی قه‌رز له‌ نێو وڵاتانی ئه‌وروپای و هه‌روه‌ها نیگه‌رانیه‌کانی په‌یوه‌ست به‌ به‌رزبوونه‌وه‌ی باج هه‌روه‌ها که‌مکردنه‌وه‌ی خه‌رجیه‌کانی حکومه‌تی ئه‌وه‌ی له‌ مانگی یه‌کی ساڵی داهاتودا له‌ ئه‌مریکا کاری پێده‌کرێت ، سه‌جه‌م ئه‌مانه‌ بونه‌ مایه‌ی ئه‌وه‌ی خاوه‌ن کارو پیشه‌کان له‌ وڵاته‌ یه‌کگرتووه‌کانی ئه‌مریکادا، ژماره‌ی به‌کرێگرتنی کریکاران له‌ وڵاتدا که‌مبکه‌نه‌وه‌ و هه‌روه‌ها کڕیارانیش له‌ وڵاتدا ئاستی کڕینی کاڵا و پیداویستیه‌کان که‌مده‌که‌نه‌وه‌. ئاماره‌کانی ئه‌م دوایـیه‌ ئه‌و پـیشان ده‌ده‌ن که‌ ئابوری وڵاته ‌یه‌کگرتووه‌کانی ئه‌مریکا له‌ نیوان مانگی 4 هه‌تا مانگی 6 ی ئه‌مساڵ به‌ ڕێژه‌ی له‌ ته‌نها 1.5 گه‌شه‌ی کردووه‌.
هاوکات ڕێژه‌ی بێکاری له‌ ئه‌مریکادا له‌ ساڵی 2009 وه‌ له‌ سه‌دا 8 بووه‌ یان که‌مێـک زیاتر، ئه‌و کاره‌ی که‌ ڕه‌نگه‌ زیان به‌ ده‌رفه‌تی سه‌رۆک ئۆباما بگه‌یه‌نێت بۆ ئه‌وه‌ی له‌ مانگی یازده‌ به‌ سه‌رۆک هه‌بـبژێردرێته‌وه‌.
XS
SM
MD
LG