Accessibility links

عێراق کۆمپانیای تۆتالی فه‌ڕه‌نسی ده‌خاته‌ لیستی ڕه‌شه‌وه‌

  • VOA News

کاربه‌ده‌سـتێـکی عێراق ئه‌مڕۆ سێشه‌ممه‌ ڕایگه‌یاند که‌وا حکومه‌تی وڵاته‌که‌ی کۆمپانیای تۆتالی فه‌ڕه‌نسی بۆ ده‌رهێنانی نه‌وت ده‌خاته‌ لیستی ڕه‌شه‌وه‌، ئه‌مه‌ش له‌سه‌ر ئه‌وه‌ی گربه‌سـتێـکی له‌گه‌ڵ هه‌رێمی کوردسـتاندا مۆرکردووه‌.
فه‌یسه‌ڵ عه‌بدوڵـڵا گوته‌بێژی حسێن شه‌هرسـتانی جێـگری سه‌رۆک وه‌زیری عێراق بۆ کاروباری وزه‌، گوتی عێراق سـزای ئه‌و کۆمپـانیانه‌ ده‌دات که‌ گرێبه‌ست له‌ وڵاته‌که‌دا مۆرده‌که‌ن به‌بێ وه‌رگرتنی مۆڵه‌تی حکومه‌تی ناوه‌ندی و وه‌زاره‌تی نه‌وت.
فه‌یسه‌ڵ گوتیشی کۆمپـانیای تۆتالیش ده‌خرێته‌ لیسـتی ڕه‌شه‌وه‌، چونکه‌ یاساکانی عێراقی پـێشـێلکردووه‌.
پـێشـتر هه‌ر ئه‌مڕۆ تۆتال ڕایگه‌یاند گرێبه‌ستێـکی مۆرکردووه‌ که‌ مۆڵه‌تی ده‌داتێ له‌ هه‌رێمی کوردسـتاندا به‌ دوای نه‌وتدا بگه‌ڕێت. به‌پـێی گرێبه‌سـته‌که‌ 35% ی ئه‌و به‌شـه‌ی کۆمپانیای ماراثۆن ئۆیه‌ڵی ئه‌مه‌ریکی له‌ هه‌ردوو ناوچه‌ی هه‌ریر و سه‌فین هه‌یه‌تی بۆ تۆتال ده‌بێت.
XS
SM
MD
LG