Accessibility links

چالاکوانانی سوریا: پـێشـبینی ده‌کرێت حکومه‌ت هێرشێـکی گه‌وره‌ بکاته‌ سه‌ر شـاری حه‌له‌ب

  • VOA News

چالاکوانانی ئۆپـۆزسیۆنی سوریا ده‌ڵێن ئه‌وان پـێشـبینی ده‌که‌ن به‌م زووانه‌ هێزه‌کانی حکومه‌ت هێرشێـگی گه‌وره‌ بکه‌نه‌ سه‌ر ئه‌و ناوچانه‌ی شـاری حه‌له‌ب که‌ له‌ ژێر ده‌سـتی سه‌رهه‌ڵـداواندان.
چالاکوانان ئه‌مڕۆ پـێـنجشه‌ممه‌ ئه‌م هه‌واڵه‌یان له‌ سه‌رچاوه‌ی نزیک له‌ هێزه‌کانی ئاسایش بـیستووه‌ که‌ گوتویانه‌ حکومه‌ت له‌ قه‌راغ شـار له‌ باشوری شـاره‌که‌ هێزی خڕکردووه‌ته‌وه‌، ئه‌مه‌ش له‌ کاتێـکدا بۆ چه‌ند ڕۆژێـکه‌ به‌ هه‌لیکۆپـته‌ر و تانک له‌و شـاره‌ له‌ سه‌رهه‌ڵداوان ده‌درێت.
پـێشـتر هه‌ر ئه‌مڕۆ کۆمه‌ڵی چاودێری مافه‌کانی مرۆڤی سوریا بنکه‌ له‌ بریتانیا ڕایگه‌یاند که‌وا چه‌ند گه‌ڕه‌کێـکی حه‌له‌ب تۆپـباران کراون‌ و له‌ ئاکامدا کچێـک کوژراوه‌ و 7 که‌سی دیکه‌ برینداربوون.
گوتیشی شه‌ڕ و پـێـکدان له‌ حه‌ما و دێر ئه‌زور ڕوویانداوه‌ و له‌ ئیدلب بۆمب به‌ ماشێنی له‌شـکریدا ته‌قیوه‌ته‌وه‌.
XS
SM
MD
LG