Accessibility links

تورکیا موشه‌کی دژه‌ فڕۆکه‌ ڕه‌وانه‌ی سـنووری وڵاته‌که‌ی له‌گه‌ڵ سوریادا ده‌کات

  • VOA News

ئاژانسی ده‌نگ‌وباسی ئانه‌تۆلیای حکومه‌تی تورکیا ڕایگه‌یاند که‌وا شه‌مه‌نده‌فه‌رێـک که‌ ژماره‌یه‌ک سه‌کۆی موشه‌کی دژه‌ فڕۆکه‌ و ماشێنی له‌شـکری بارکردووه‌ گه‌یشـتووه‌ته‌ شـاری ماردین.
ئاژانسی ده‌نگ‌وباسی NTV ئه‌ویش ده‌ڵێت شه‌مه‌نده‌فه‌ره‌که‌ به‌ لایه‌نی که‌م 5 سه‌کۆی موشه‌کی دژه‌ فڕۆکه‌ی هێناوه‌ و سه‌رچاوه‌یه‌کی له‌شکری له‌ ناوچه‌که‌ گوتوویه‌تی ئه‌م چه‌کانه‌ ڕه‌وانه‌ی ئه‌و یه‌که‌ له‌شـکریانه‌ ده‌کرێن که‌ به‌ درێژایی سنووره‌کان له‌گه‌ڵ سوریادا جێگیربوون.
ئه‌م هه‌نگاوه‌ی تورکیا پاش ئه‌وه‌ دێت که‌ 3 له‌ کۆی 7 ده‌روازه‌ سـنووریـیه‌کانی سوریا له‌گه‌ڵ وڵاته‌که‌ی که‌وتوونه‌ته‌ ژێر ده‌سـتی هێزه‌کانی ئۆپـۆزسیۆنه‌وه‌ له‌ ماوه‌ی شه‌ش ڕۆژی ڕابردوودا.
XS
SM
MD
LG