Accessibility links

هێزه‌کانی حکومه‌تی سوریا چه‌ند ناوچه‌یه‌کی پایته‌خت بۆردومان ده‌که‌ن

  • VOA News

هێزه‌کانی حکومه‌تی سوریا دوێنێ شه‌وی هه‌ینی به‌ هه‌لیکۆپـته‌ر و تانک و خومپاره‌ ئه‌و ناوچانه‌ی دیمه‌شقی پایته‌ختیان بۆردومان کردووه‌ که‌ سه‌رهه‌ڵـداوان لێی جێگیربوون.
دانیشـتوان ده‌ڵێن هه‌تا کاتژمێر 4 ی سه‌رله‌به‌یانی حکومه‌ت بۆردومانی کردووه‌.
له‌ شه‌وی پـێـنجشه‌ممه‌وه‌ هێزه‌کانی به‌شـار ئه‌سه‌د هه‌وڵ ده‌ده‌ن ده‌سـت به‌سه‌ر ئه‌و ناوچانه‌ی پایته‌ختدا بگرنه‌وه‌ که‌ که‌وتوونه‌ته‌ ژێر ده‌ستی ئۆپـۆزسیۆنه‌وه‌.
ده‌زگاکانی حکومه‌تی سوریا دوێنێ ڕایانگه‌یاند که‌وا هێزه‌کانیان ده‌سـتیان گرتووه‌ته‌وه‌ به‌سه‌ر ناوچه‌ی مه‌یدانی پایته‌ختدا.
له‌ لایه‌کی دیکه‌وه‌ ڕێـکخراوی چاودێری مافه‌کانی مرۆڤی سوریا بنکه‌ له‌ بریتانیا ده‌ڵێت له‌وه‌تای ڕاپه‌ڕین هه‌ڵـگیرسـاوه‌ هه‌رگێز شه‌ڕ و پـێـکدادانی وه‌ها خوێناوی وڵاته‌که‌ی نه‌گرتووه‌ته‌وه‌، ده‌ڵێت هه‌ر له‌ ماوه‌ی دوو ڕۆژی ڕابردوودا 550 که‌س له‌ سه‌رانسه‌ری وڵاته‌که‌ کوژراون.
XS
SM
MD
LG